అధ్యక్ష పదవికి రాజీనామా చేసిన సునీల్ నారంగ్

Publish: Sun, 8 Jun 2025 (20:20 IST) Updated: Sun, 8 Jun 2025 (20:22 IST)

తెలంగాణ రాష్ట్ర ఫిల్మ్ ఛాంబర్ ఆఫ్ కామర్స్ అధ్యక్ష పదవికి నిర్మాత సునీల్ నారంగ్ అధికారికంగా రాజీనామా చేశారు. ఈ విషయాన్ని ఆయన ఆదివారం ఓ ప్రకటన రూపంలో వెల్లడించారు.

అధ్యక్షుడుగా ఈ నెల ఏడో తేదీన వరుసగా మూడవసారి ఎన్నికయ్యారు. తన పేరుతో తనకు ఎలాంటి సంబంధం లేని పబ్లిక్ స్టేట్‌మెంట్‌లతో బలవంతంగా ముడిపడి ఉన్నందున తాను ఈ పదవి నుండి వైదొలగుతున్నానని మీకు తెలియజేయడానికి చింతిస్తున్నట్టు సునీల్ నారంగ్ తెలిపారు. 

చిత్ర పరిశ్రమలోని వ్యక్తులకు సంబంధించి జారీ చేయబడిన పబ్లిక్ స్టేట్‌మెంట్‌లు/ఇంటర్వ్యూ/ప్రెస్ మీట్‌లు చేసే ముందు తనను సంప్రదించలేదని ఆయన ఆరోపించారు. తన ప్రమేయం లేని చర్యలు లేదా వ్యాఖ్యలకు తాను ఎలాంటి బాధ్యత వహించలేనని తెలిపారు. 

ఈ పరిస్థితులలో, తన పాత్రను కొనసాగించడం తనకు కష్టంగా ఉందన్నారు. తనకు తెలియకుండా లేదా అనుమతి లేకుండా చేసిన ప్రకటనలతో తన పేరు లేదా తన ఖ్యాతిని ముడిపెట్టడానికి తాను అనుమతించలేనని తెలిపారు. అందువల్ల, నేను తక్షణమే నా రాజీనామాను సమర్పిస్తున్నట్టు సునీల్ నారంగ్ విడుదల చేసిన ప్రకటనలో పేర్కొన్నారు.

ఈ లేఖను తన రాజీనామాకు అధికారిక నోటీసుగా అంగీకరించి, సంస్థ సజావుగా పనిచేయడానికి తగిన వారసుడిని నియమించడానికి అవసరమైన చర్యలు తీసుకోవాలని ఛాంబర్‌ను గౌరవంగా అభ్యర్థిస్తున్నాను, తెలంగాణ రాష్ట్ర ఫిల్మ్ ఛాంబర్ ఆఫ్ కామర్స్ నిరంతర వృద్ధి మరియు విజయానికి తన శుభాకాంక్షలు తెలియజేస్తున్నాను అని పేర్కొన్నారు.