తల తిరిగి వాంతులవుతుంటే ఏంచేయాలి?
తల తిరిగి వాంతులవుతుంటే ఏంచేయాలంటే.. దాల్చిన చెక్క చిన్న ముక్కను కానీ చిటికెడు పొడిని కానీ, నీటిలో మరిగించి వడబోసి అందులో ఒక స్పూన్ తేనె కలిపి తాగాలి. అయితే ఈ దాల్చిన చెక్క చిట్కాను గర్భిణులు పాటించరాదు. వాంతుల నుంచి ఉపశమనం పొందాలంటే.. అన్నం ఉడికేటప్పుడు గంజి కొద్దిగా చిక్కబడిన తర్వాత ఒక కప్పు గంజిని విడిగా తీసుకుని తాగాలి.
అజీర్తి వాంతులకు.. అల్లం టీ తాగాలి. చిన్న అల్లం ముక్కను ఉప్పులో అద్ది నమిలి మింగాలి. ఒక స్పూన్ అల్లం రసంలో ఒక స్పూన్ నిమ్మరసం కలిపి రెండు - మూడు గంటలకోసారి తీసుకోవాలి. ఇవేవీ చేయలేకపోతే అల్లం ముక్కము బుగ్గన పెట్టుకుని మెల్లగా నములుతూ కొద్ది కొద్దిగా రసాన్ని మింగితే ఉపశమనం లభిస్తుందని ఆరోగ్య నిపుణులు అంటున్నారు.
