మహిళల్లోనే నిద్రలేమి సమస్య ఎక్కువ.. పురుషులు హాయిగానే నిద్రపోతారట..!?
పురుషులతో సమానంగా అన్ని రంగాల్లో రాణిస్తున్న మహిళలకు ఆధునిక యుగంలో నిద్ర బాగా కరువైంది. ఇంటి పనులు, ఆఫీసు పనులు చూసుకుంటూ తమ ఆరోగ్యంపై శ్రద్ధ తీసుకోని మహిళల సంఖ్య ఎక్కువనే చెప్పాలి. కుటుంబం కోసం కార్య
పురుషులతో సమానంగా అన్ని రంగాల్లో రాణిస్తున్న మహిళలకు ఆధునిక యుగంలో నిద్ర బాగా కరువైంది. ఇంటి పనులు, ఆఫీసు పనులు చూసుకుంటూ తమ ఆరోగ్యంపై శ్రద్ధ తీసుకోని మహిళల సంఖ్య ఎక్కువనే చెప్పాలి. కుటుంబం కోసం కార్యాలయాల్లో పని పూర్తి చేసుకుని.. ఇంట్లోనూ పనులు చక్కబెట్టుకుని నిద్రపోయేందుకు పదో, పదకొండో కావచ్చు.
ఇక శరీరం అలసిపోయింది హాయిగా నిద్రపడుతుందిలే అనుకునే మహిళలు కంటిపై నిద్రలేకుండా బాధపడుతున్నారు. ఒత్తిడి, ఆందోళన కారణంగా పడుకున్న వెంటనే మహిళలు నిద్రలోకి జారుకోవట్లేదు. భర్త, పిల్లలు, ఆర్థిక పరిస్థితి, కార్యాలయ ఒత్తిడి వంటి ఇతరత్రా సమస్యలన్నీ నిద్రించేందుకు ముందు వారి కంటి ముందు నిలబడితే.. ఇక నిద్రలేమి సమస్య వేధించక మానట్లేదని ఆరోగ్య నిపుణులు అంటున్నారు. ఈ విషయం పరిశోధనల్లోనూ తేలిందని చెప్తున్నారు. నిద్రలేమి సమస్య పురుషుల కంటే స్త్రీలలోనే ఎక్కువని అమెరికా పరిశోధకులు చెప్తున్నారు.
పురుషులతో పోల్చుకుంటే స్త్రీలలో 1.4 శాతం తక్కువ నిద్రపోతారని వీరి పరిశోధనల్లో వెల్లడైంది. 20-30, 40-50 సంవత్సరాల మధ్య వయస్సుగల స్త్రీలలో నిద్రలేమి సమస్య ఎక్కువగా ఉన్నట్లు పరిశోధనలో వెల్లడైందని శాస్త్రవేత్తలు చెప్తున్నారు.
నిద్రలేమికి అనేక రకాల కారణాలు ఉన్నా స్త్రీలలో మాత్రం ఒత్తిడి, ఆందోళనే ప్రధాన పాత్ర పోషిస్తాయి. వీటికి తోడు హార్మోన్లలో తేడాలు, మెనోపాజ్ వంటివి కూడా కారణమని పరిశోధకులు తేల్చారు. అయితే నిద్రలేమితో మహిళల్లో ఊబకాయం, గుండె సంబంధ సమస్యలతో చిన్న వయస్సులోనే మృతి చెందే వారి సంఖ్య అధికమవుతుందని పరిశోధకులు తెలిపారు.
తర్వాతి కథనం
