బుధవారం, 24 ఏప్రియల్ 2024
  1. వార్తలు
  2. తెలుగు వార్తలు
  3. ట్రెండింగ్
Written By ఠాగూర్
Last Updated : శుక్రవారం, 2 సెప్టెంబరు 2022 (14:20 IST)

తెలంగాణ రాష్ట్ర శాసనసభ రద్దు : సీఎం కేసీఆర్ ప్లాన్?

ts assembly
తెలంగాణ రాష్ట్ర శాసనసభకు వచ్చే యేడాది ఎన్నికలు జరగాల్సివుంది. అయితే, నల్గొండ జిల్లా మునుగోడు ఎమ్మెల్యే కోమిటిరెడ్డి రాజగోపాల్ రెడ్డి రాజీనామాతో ఈ స్థానానికి ఉప ఎన్నికలు నిర్వహించాల్సిన పరిస్థితి ఏర్పడింది. ఈ ఎన్నికల్లో రాజగోపాల్ రెడ్డి కాంగ్రెస్ పార్టీకి రాజీనామా చేసి బీజేపీకి చేరారు. 
 
ఇపుడు ఈయనే ఇక్కడ అభ్యర్థిగా పోటీ చేసే అవకాశం ఉంది. దీంతో ఈ ఎన్నికలు తెరాసకు అత్యంత కీలకంగా మారాయి. మరోవైపు, ఈ ఎన్నికల్లో గెలుపొంది విజయం సాధించాలన్న పట్టుదలతో బీజేపీ పరితపిస్తుంది. ఈ క్రమంలో తెరాసతో పాటు ఇతర విపక్ష పార్టీలు వ్యూహాత్మకంగా అడుగులు వేస్తున్నాయి. 
 
మరోవైపు, సీఎం కేసీఆర్ తన ఆలోచనలకు పదుపెట్టారు. ఈ ఉప ఎన్నికల్లో బీజేపీ గెలుపును అడ్డుకోవాలన్న పట్టుదలతో కేసీఆర్ ఉన్నారు. దీంతో మునుగోడు అసెంబ్లీ ఎన్నికలకు ముందే అసెంబ్లీని రద్దు చేయాలని ఆయన భాలిస్తున్నట్టు సమాచారం. 
 
సెప్టెంబరు 3న సీఎం కేసీఆర్‌ కేబినెట్‌ సమావేశం, టీఆర్‌ఎస్‌ఎల్పీ సమావేశం జరగనున్న నేపథ్యంలో ఈ భేటీ తర్వాత సీఎం కేసీఆర్‌ కీలక నిర్ణయం తీసుకోనున్నారనే అనుమానాలు రాజకీయంగా వినిపిస్తున్నాయి. 
 
అలాగే సామాజిక సంక్షేమ పథకాలపై మంత్రులు, అధికారులకు సీఎం కేసీఆర్ దిశానిర్దేశం చేస్తారని చెబుతున్నారు. ముందుగా అసెంబ్లీ రద్దుకు సిద్ధమని సీఎం కేసీఆర్ ప్రకటించే అవకాశాలు లేకపోలేదని వార్తలు వస్తున్నాయి కూడా.