కారంతో అభిషేకం చేయించుకున్న బాబా.. ఎక్కడ? (Video)
కొందరు వ్యక్తులు స్వామీజీలు, బాబాలుగా అవతారమెత్తి వారు చేసే పనులు ఆశ్చర్యంగాను నవ్వు తెప్పించేవిగా ఉంటాయి. మరికొందరు భక్తి పేరుతో తమ వద్దకు వచ్చే భక్తులను శారీరకంగా మానసింగా వేధిస్తుంటారు. ఈ క్రమంలో తాజాగా ఓ బాబా చేసిన పని ప్రతి ఒక్కరినీ ఆశ్చర్యానికి గుర్తిచేస్తూ విస్తుపోయేలా చేస్తుంది. ఈ బాబా ఏకంగా 50 కేజీల కారంతో అభిషేకం చేయించుకున్నారు.
ఆంధ్రప్రదేశ్ రాష్ట్రంలోని ఏలూరు జిల్లా ద్వారకా తిరుమల మండలం దొరసానిపాడు గ్రామంలో ఈ ఘటన జరిగింది. శ్రీ శివ దత్తాత్రేయ ప్రత్యంగిరా వృద్ధాశ్రమంలో 50 కేజీల కారంతో శివస్వామి బాబా అభిషేకం చేయించుకున్నారు. ప్రత్యంగిరా దేవికి ఇష్టమైన కారంతో శివస్వామి బాబాకు అభిషేకం చేయించుకున్న వీడియో ఒకటి ఇపుడు సోషల్ మీడియాలో వైరల్ అవుతుంది. మరోవైపు, గత మూడేళ్లుగా స్వస్తిశ్రీ చాంద్రమానేన బహుళ పంచమి తిథి రోజే ఈ కార్యక్రమం నిర్వహిస్తున్నామని తెలిపిన శివస్వామి బాబా సన్నిహితులు వెల్లడించారు.
