డెలివరీ కోసం రెండో భార్యను ఆసుపత్రికి... బిడ్డతో ఇంటికొచ్చేసరికి మూడో భార్యతో కులుకుతూ...
భార్య చనిపోయిందని మరో యువతిని పెళ్ళాడాడు. రెండవ భార్య గర్భవతి కావడంతో ఆసుపత్రిలో చేర్పించాడు. వారం రోజుల వ్యవధిలోనే గుట్టుగా మరో యువతిని పెళ్లాడి కాపురం పెట్టాడు. పురిటి బిడ్డతో భర్త ఇంటికి వచ్చిన ఇల్లాలు భర్త మరో పెళ్ళి చేసుకున్నాడని తెలిసి ఆశ్చర్యా
భార్య చనిపోయిందని మరో యువతిని పెళ్ళాడాడు. రెండవ భార్య గర్భవతి కావడంతో ఆసుపత్రిలో చేర్పించాడు. వారం రోజుల వ్యవధిలోనే గుట్టుగా మరో యువతిని పెళ్లాడి కాపురం పెట్టాడు. పురిటి బిడ్డతో భర్త ఇంటికి వచ్చిన ఇల్లాలు భర్త మరో పెళ్ళి చేసుకున్నాడని తెలిసి ఆశ్చర్యానికి గురైంది. దిక్కుతోచక మొగుడిపై పోలీసులకు ఫిర్యాదు చేసింది.
చిత్తూరు జిల్లా నాగలాపురం సమీపంలోకి గోళ్ళవారికండ్రికి చెందిన మునికుమార్ 2013 సంవత్సరంలో గీతను వివాహం చేసుకున్నాడు. ఆమె మరణించడంతో మేనకను వివాహమాడాడు. మేనకతో వివాహమైన తరువాత ఒక బిడ్డ జన్మించింది. ఆ తరువాత తిరిగి మేనక గర్భవతిగా ఉండడంతో వారం రోజుల క్రితమే తిరుపతిలోని ప్రసూతి ఆసుపత్రిలో డెలివరి కోసం చేర్పించాడు మునికుమార్. భార్యను ఆసుపత్రికి పంపించిన మునికుమార్ ఆ గ్యాప్‌లో వనజ అనే యువతిని పెళ్ళాడాడు.
ఆ తరువాత విషయం చెప్పకుండా డెలివరి అయిన మేనకను ఇంటికి తీసుకువచ్చాడు. ఇంటికి వచ్చిన తరువాత రెండవ భార్యకు జరిగిందంతా చెప్పుకొచ్చాడు. గుట్టుచప్పుడు కాకుండా సంసారం చేసుకోమని, అనవసరంగా రాద్దాంతం చేస్తే నీతో పాటు నీ ఇద్దరు పిల్లల్ని చంపేస్తానని బెదిరించాడు. దీంతో మేనక నాగలాపురం పోలీసులను ఆశ్రయించింది. నిత్యపెళ్ళికొడుకుపై చర్యలు తీసుకోవాలని పోలీస్టేషన్‌ ముందు ఆందోళనకు దిగారు బంధువులు. విషయం తెలుసుకున్న మునికుమార్ మూడవ భార్యతో ఉడాయించాడు. ప్రస్తుతం నిత్యపెళ్లికొడుకు కోసం పోలీసులు గాలిస్తున్నారు.
