గురువారం, 28 మార్చి 2024
  1. వార్తలు
  2. తెలుగు వార్తలు
  3. తెలుగు వార్తలు
Written By Selvi
Last Updated : సోమవారం, 26 సెప్టెంబరు 2016 (11:40 IST)

హైదరాబాద్‌లో భారీ వర్షాలు.. మందుబాబులు చుక్కేయట్లేదు.. అమ్మకాలు తగ్గాయోచ్..

హైదరాబాద్‌లో కురిసిన భారీ వర్షాలతో జనజీవనం అస్తవ్యస్తమైంది. వారం రోజుల పాటు కురుస్తున్న భారీ వర్షాలకు ఇంటి నుంచి బయటకు అడుగేసేందుకు ప్రజలు జడుసుకుంటున్నారు. దీంతో మందుబాబులు కూడా ఇంటికే పరిమితమైపోతున్

హైదరాబాద్‌లో కురిసిన భారీ వర్షాలతో జనజీవనం అస్తవ్యస్తమైంది. వారం రోజుల పాటు కురుస్తున్న భారీ వర్షాలకు ఇంటి నుంచి బయటకు అడుగేసేందుకు ప్రజలు జడుసుకుంటున్నారు. దీంతో మందుబాబులు కూడా ఇంటికే పరిమితమైపోతున్నారు. భారీ వర్షాలతో మందుబాబులు చుక్కేసేందుకు కాలు బయటపెట్టట్లేదు. మద్యం అమ్మకాలతో భారీగా రెవెన్యూ తెచ్చిపెట్టే హైదరాబాద్ వర్షం దెబ్బకు అతలాకుతలమైంది. 
 
మద్యం ప్రియుల కొనుగోలు తగ్గిపోవడంతో పాటున మద్యం సరఫరా చేయడానికి కూడా రవాణా సౌకర్యం లేక రెవెన్యూ పడిపోయిందని తెలంగాణ వైన్ డీలర్ అసోషియేషన్ అధ్యక్షుడు డాక్టర్ వెంకటేశ్వరరావు పేర్కొన్నారు. కాగా, 2016-17 సంత్సరానికిగానూ మద్యం అమ్మకాల ద్వారా రూ.4318కోట్ల రెవెన్యూ లక్ష్యంగా నిర్దేశించుకోగా ఆగస్టు వరకు రూ. 2,044కోట్ల మేర రెవెన్యూ సమకూరింది. అయితే ఈ యేడాది ఆగస్టు పండగ సీజన్‌లో 20శాతం మేర అమ్మకాలు పెరిగినట్లు అధికారులు తెలిపారు.
 
మద్యం అమ్మకాల ద్వారా సెప్టెంబర్ రూ.637.96కోట్ల రెవెన్యూ ప్రభుత్వానికి రావాల్సి ఉండగా ఈనెల 22న వరకు కేవలం రూ.287.7కోట్ల ఆదాయమే సమకూరింది. దీంతో ఈనెలలో దాదాపు 55శాతం మేర నష్టంవాటిల్లింది.