వర్షాకాలంలో కాలి గోళ్ళను శుభ్రం చేస్తున్నారా..?
వర్షాకాలంలో కాలి గోళ్ళను శుభ్రం చేస్తున్నారా..? కాలిగోళ్ళను శుభ్రంగా ఉంచుకోవడంతో ఇన్ఫెక్షన్లు, జ్వరం, జలుబు నుంచి దూరంగా ఉంటారని ఆరోగ్య నిపుణులు అంటున్నారు. ఇలాంటి అనారోగ్య సమస్యల నుంచి మనల్ని మనం రక్షించుకోవాలంటే కొన్ని టిప్స్ పాటించండి.
ముందుగా కాలిగోళ్ళను పొట్టిగా ఉంచాలి. గోళ్ళను పొట్టిగా ఉంచడం ద్వారా శుభ్రంగా ఉంచడమే కాకుండా.. చాలా చక్కగా నీట్గా కనబడతాయి.
కాలి గోళ్ళను శుభ్రం చేసేందుకు గోళ్ళ బ్రష్ను వాడండి. ఇది సున్నితంగా మృత చర్మ కణాలను, మొత్తం మురికిని గోళ్ళ నుండి తొలగిస్తుంది.
గోళ్ళను కత్తిరించినప్పుడు అవి సమంగా శుభ్రంగా కనపడేటట్టు చూడండి, ఎందుకంటే సమంగా లేని గోళ్ళు అసహ్యంగా వికారంగా కనబడతాయి.
వర్షాల్లో తడిచినట్లైతే స్నానం చేస్తున్నప్పుడు కాళ్ళను కడగడం మర్చిపోకండి. కాళ్ళను శుభ్రం చేసేటప్పుడు సబ్బును ఉపయోగించండి. కానీ పాదాలకు మాత్రం సున్నితమైన సబ్బును వాడండి. గోరు చుట్టూ ఉన్న ప్రదేశాన్నే కాక కాలి వేళ్ళను, పాదాలను కూడా శుభ్రం చేయడానికి ప్రయత్నించండి.
చివరగా, కాలి గోళ్ళు శుభ్రంగా, తాజాగా కనపడడానికి, గోరు రంగుతో ఉన్న నైల్ పాలిష్ను వాడితే, అవి కొత్తగా కనపడతాయి. ప్రతి వారం దాన్ని తొలగించి తిరిగి వాడితే ఫలితం ఉంటుంది.
తర్వాతి కథనం
