మంగళవారం, 18 జూన్ 2024
  1. వార్తలు
  2. తెలుగు వార్తలు
  3. అంతర్జాతీయ వార్తలు
Written By pnr
Last Updated : ఆదివారం, 30 జులై 2017 (14:55 IST)

అమెరికా బీ-1 బాంబర్లు తరలింపు... ఉత్తర కొరియాపై దాడికేనా?

ఉత్తర కొరియాపై అమెరికా దాడి చేసేందుకు సిద్ధమైందా? అందుకే బీ-1 బాంబర్లను కొరియా ద్వీపానికి తరలిస్తుందా? అవుననే అంటున్నారు అంతర్జాతీయ నిపుణులు.

ఉత్తర కొరియాపై అమెరికా దాడి చేసేందుకు సిద్ధమైందా? అందుకే బీ-1 బాంబర్లను కొరియా ద్వీపానికి తరలిస్తుందా? అవుననే అంటున్నారు అంతర్జాతీయ నిపుణులు. 
 
అమెరికాలోని లక్ష్యాలను చేరుకోగల ఖండాతర బాలిస్టిక్ క్షిపణిని ఉత్తరకొరియా అధినేత కిమ్ జాంగ్ ఉన్ విజవంతంగా ప్రయోగించడంపై సర్వత్రా ఆందోళనలు నెలకొన్న విషయంతెల్సిందే. ఈ చర్యలను అమెరికా తీవ్రంగా ఖండిస్తోంది. అంతేకాకుండా, ఉ.కొరియా పనిబడతామంటూ హెచ్చరికలు జారీచేసింది. 
 
అంతేకాకుండా, అమెరికా ఎయిర్‌పోర్స్‌కు చెందిన రెండు బీ-1 బాంబర్లను కొరియన్ ద్వీపకల్పానికి పంపించారు. ఈ బాంబర్లకు జపాన్, దక్షిణకొరియాకు చెందిన ఫైటర్ జెట్స్ తోడవ్వడంతో కొరియన్ ద్వీపకల్పంలో దళాల ప్రదర్శన నిర్వహిస్తున్నారు. దీంతో కొరియన్ ద్వీపకల్ప ప్రాంతం వేదికగా ఉద్రిక్తకరమైన పరిస్థితులు కొనసాగుతున్నాయి.
 
ఇదిలావుండగా ఉత్తరకొరియా అణు, క్షిపణి పరీక్షలు నిర్వహిస్తున్న ప్రాంతాన్ని సంవత్సరంలోపు ధ్వంసం చేయనున్నామని మిలిటరీ అధికారులకు ట్రంప్ భరోసా ఇచ్చారని వార్తలు వెలువడుతున్నాయి. ప్రమాదకరంగా మారిన కిమ్‌పై చర్య తీసుకోకపోతే ప్రమాదం తప్పదని ఆయన భావిస్తున్నారని అధికారులు పేర్కొంటున్నారు.