పాకిస్థాన్ ఎన్నికల ఫలితాలు.. ఇమ్రాన్ ఖాన్ ప్రధాని కావడం ఖాయమేనా?
పాకిస్థాన్ ఎన్నికల ఫలితాలు మాజీ క్రికెటర్ ఇమ్రాన్ ఖాన్‌కు సానుకూలంగా మారాయి. పాకిస్థాన్‌లో ఇమ్రాన్ ఖాన్ శకం ప్రారంభమయ్యే సూచనలు కనిపిస్తున్నాయి. ఇందులో భాగంగా ఇమ్రాన్ పార్టీ పీటీఐ ఫలితాల్లో దూసుకుపోత
పాకిస్థాన్ ఎన్నికల ఫలితాలు మాజీ క్రికెటర్ ఇమ్రాన్ ఖాన్‌కు సానుకూలంగా మారాయి. పాకిస్థాన్‌లో ఇమ్రాన్ ఖాన్ శకం ప్రారంభమయ్యే సూచనలు కనిపిస్తున్నాయి. ఇందులో భాగంగా ఇమ్రాన్ పార్టీ పీటీఐ ఫలితాల్లో దూసుకుపోతోంది. ఇప్పటివరకు జరిగిన కౌంటింగ్‌లో 272 స్థానాల్లో 114 సీట్లతో ఇమ్రాన్ పార్టీ ముందంజలో ఉంది.
మరోవైపు హంగ్ ఏర్పడితే పీపీపీ కింగ్ మేకర్ అవుతుందని బిలావల్ భుట్టో ఆశగా ఉన్నారు. నవాజ్ షరీఫ్ పార్టీ పీఎంఎల్ -ఎన్ 64 సీట్లలో, బిలావల్ బుట్టో పార్టీ పీపీపీ 42 స్థానాల్లో ఆధిక్యంలో ఉన్నాయి. ముత్తహిదా క్వామీ మూమెంట్ 11 చోట్ల దూసుకుపోతోంది. 50కి పైగా స్థానాల్లో చిన్న పార్టీలు, ఇండిపెండెంట్లు ముందంజలో ఉన్నారు.
ఒకవేళ హంగ్ వచ్చే పరిస్థితులుంటే బిలావల్ బుట్టో పార్టీ పీపీపీ… కింగ్ మేకర్ కానుంది. లేకుంటే ఇండిపెండెంట్లు, ఇతర చిన్న పార్టీల సాయంతో ఇమ్రాన్ పీఠాన్ని అధిరోహించడం ఖాయంగా కనబడుతోంది.
