ఉత్తరప్రదేశ్‌లో మెరుపులు, బలమైన గాలులు.. గాలిలో ఎగిరిన వ్యక్తి.. 89 మంది మృతి (video)
Thunderstorm
ఉన్నావ్, బదౌన్, బరేలీ, ప్రతాప్‌గఢ్‌తో సహా పలు ఇతర జిల్లాల్లో కూడా తుఫానుల కారణంగా చెట్లు కూలిపోవడం, ఇళ్లు దెబ్బతినడం, గోడలు కూలిపోవడంతో ప్రాణనష్టం నమోదైంది. ఉత్తరప్రదేశ్ అధికారులు వెల్లడించిన వివరాల ప్రకారం... తుఫాను సంబంధిత సంఘటనలలో 53 మంది గాయపడగా, ఈ విపరీత వాతావరణ ఘటనలో 114 జంతువులు కూడా మరణించాయి. పలు జిల్లాల్లో ఇళ్లకు, ఆస్తులకు నష్టం వాటిల్లినట్లు నివేదికలు వచ్చాయి.
బుధవారం ఉదయం 8 గంటల నుంచి రాత్రి 11.30 గంటల మధ్య రాష్ట్రంలో సంభవించిన తీవ్రమైన ధూళి తుఫానులు, భారీ వర్షాల సమయంలో గోడలు కూలిపోవడం, చెట్లు పడిపోవడం, పిడుగుపాటు కారణంగా చాలా మరణాలు సంభవించాయి. వాతావరణ పరిస్థితుల నేపథ్యంలో ఉత్తర భారతదేశంలోని కొన్ని ప్రాంతాలలో ఉరుములు, మెరుపుల గురించి భారత వాతావరణ శాఖ హెచ్చరికలు జారీ చేసింది.
స్థానిక యంత్రాంగాలు నష్టాలను అంచనా వేస్తూ, ప్రభావిత కుటుంబాలకు సహాయం అందిస్తున్నాయి. ఈ నేపథ్యంలో యూపీ తుఫాను తీవ్రతకు సంబంధించిన వీడియో నెట్టింట వైరల్ అవుతోంది. తుఫాను ధాటి ఓ వ్యక్తి గాలిలో ఎగిరాడు.
ఉత్తరప్రదేశ్‌లోని బరేలీ నన్హే మియాన్ అనే వ్యక్తి ఓ పెళ్లి వేదిక వద్ద నిలబడి రేకుల షెడ్డును పట్టుకుని ఉండగా, బలమైన గాలులకు ఎగిరినట్లు వీడియోలో రికార్డ్ అయ్యింది. ఆ రేకుల షెడ్డుతో పాటు కొంతసేపు గాలిలో ఎగిరి, దూరంగా పొలాల్లో పడిపోయినట్లు గుర్తించారు అధికారులు. ఈ ప్రమాదంలో అతని చేతులు, కాళ్లకు తీవ్ర గాయాలైనట్లు సమాచారం.
यूपी- बरेली के नन्हे मियां तेज तूफान में बारातघर की टीनशेड का पाया पकड़े खड़े थे. आंधी तेज हुई तो टीनशेड उखड़ गई और उसके साथ नन्हे मियां हवा में उड़ गए
— Manjeet Vishwas (@ManjeetVishwas) May 14, 2026
हाथ पांव दोनों टूट गए है. अब अस्पताल में भर्ती है.#bareli #uttarpradesh pic.twitter.com/3dAjsUV47F
