చింతచిగురుతో చికెన్ కూరనా? ఎలా చేయాలో చూద్దాం?
చింత చిగురును ఆహారంలో తీసుకుంటే ఆరోగ్య ప్రయోజనాలు ఎన్నో ఉన్నాయి. చింత చిగురులో డైటరీ ఫైబర్ పుష్కలంగా ఉంటుంది. దీంతో ఇది సహజ సిద్ధమైన లాక్సేటివ్‌గా పని చేస్తుంది. ఫినాల్స్, యాంటీ ఆక్సిడెంట్లు ఎక్కువగా
చింత చిగురును ఆహారంలో తీసుకుంటే ఆరోగ్య ప్రయోజనాలు ఎన్నో ఉన్నాయి. చింత చిగురులో డైటరీ ఫైబర్ పుష్కలంగా ఉంటుంది. దీంతో ఇది సహజ సిద్ధమైన లాక్సేటివ్‌గా పని చేస్తుంది. ఫినాల్స్, యాంటీ ఆక్సిడెంట్లు ఎక్కువగా ఉండటంతో చింతచిగురు చెడు కొలెస్ట్రాల్‌ను తగ్గించి మంచి కొలెస్ట్రాల్‌ను పెంచుతుంది. ఇటువంటి చింతచిగురుతో చికెన్ కూర ఎలా చేయాలో చూద్దాం.
కావలసిన పదార్థాలు:
చింతచిగురు - అరకిలో
చికెన్ - అరకిలో
కొబ్బరితురుము - 2 స్పూన్స్
కొత్తిమీర - 1 కప్పు
ధనియాలపొడి - 1 స్పూన్
అల్లంవెల్లులి పేస్ట్ - 1 స్పూన్
జీలకర్ర - 1 స్పూన్
పుదీనా - 1 కప్పు
నూనె - సరిపడా
ఉల్లిపాయ - 1
కారం - 2 స్పూన్స్
ఉప్పు - తగినంత
పసుపు - చిటికెడు
గరంమసాలా - 1 స్పూన్
తయారుచేసే విధానం:
ముందుగా బాణలిలో నూనెను వేసి ఆవాలు, జీలకర్ర బాగా వేయించుకోవాలి. తరువాత ఉల్లిముక్కులు వేసుకుని అవి వేగాక ఆ మిశ్రమంలో పసుపు, అల్లంవెల్లుల్లి పేస్ట్ వేసుకుని బాగా వేయించుకోవాలి. ఆ తరువాత కొబ్బరితురుము వేసి నిమిషం పాటు వేయించుకుని చికెన్ ముక్కులు వేసి ఉప్పు, కారం, ధనియాలపొడి, నీళ్లను పోసి ఉడికించుకోవాలి. చివరగా ఆ మిశ్రమంలో చింతచిగురు వేసి మరో 5 నిమిషాలు ఉడికించుకుని గరంమసాలా వేసి నిమిషం పాటు ఉడికించుకోవాలి. అంతే చింతచిగురు మాంసం రెడీ.
