సేమియాతో చికెన్ బిర్యానీ ఎలా చేయాలో తెలుసా?
కావలసిన పదార్థాలు: సేమియా - అర కేజి నిమ్మకాయ - 1 చికెన్ - అర కేజి పచ్చిమిర్చి - 10 గ్రాములు దాల్చిన చెక్క - 1 లవంగాలు - 6 ఉల్లిపాయలు - 2 నూనె - తగినంత కొత్తిమీర - 6 రెబ్బలు అల్లం వెల్లుల్లి
కావలసిన పదార్థాలు:
సేమియా - అర కేజి
నిమ్మకాయ - 1
చికెన్ - అర కేజి
పచ్చిమిర్చి - 10 గ్రాములు
దాల్చిన చెక్క - 1
లవంగాలు - 6
ఉల్లిపాయలు - 2
నూనె - తగినంత
కొత్తిమీర - 6 రెబ్బలు
అల్లం వెల్లుల్లి పేస్ట్ - 20 గ్రాములు
ఉప్పు- తగినంత
బిర్యానీ ఆకులు - 10 గ్రాములు
యాలకులు -2
జీడిపప్పు - 200 గ్రాములు
పసుపు - చిటికెడు
తయారీ విధానం:
ముందుగా బాణలిలో నీళ్లు పోసుకుని అందులో సేమియా వేసి కొద్దిగా నిమ్మరసం, నూనె వేసుకుని 5 నిమిషలా పాటు ఉడికించాలి. ఆ తరువాత సేమియాను తడి బట్టతో వడగట్టాలి. నీరంతా పోయిన తరువాత సేమియాను ఒక ప్లేటులోకి తీసి పెట్టుకోవాలి. ఇప్పుడు మరో బాణలిలో కొద్దిగా నూనె వేసి శుభ్రంగా కడిగి ఉంచుకున్న చికెన్ ముక్కలను అందులో వేసి చిన్న మంటపై 5 నిమిషాలు ఉడికించాలి.
లవంగాలు, దాల్చిన చెక్క, యాలకులు, పసుపు అన్ని కలిపి మిక్సీలో వేసి పొడి చేసి పెట్టుకోవాలి. ఈ పొడి చికెన్‌పై చల్లుకుని అందులో అల్లం వెల్లుల్లి పేస్ట్ వేసుకుని బాగా కలుపుకోవాలి. చిన్న మంటపై మరో 5 నిమిషాలు చికెన్‌ను ఉడికించి ఆపై సేమియా కూడా వేసి మళ్ళీ బాగా కలుకోవాలి. ఇప్పుడు ఈ మిశ్రమానికి తగినంత ఉప్పు, కొత్తిమీర ఆకులు, బిర్యానీ ఆకు, జీడిపప్పు వేసి బాగా కలిపి దించేయాలి. అంతే... సేమియా చికెన్ బిర్యానీ రెడీ.
