ఒత్తిడికి లోనవుతున్నారా..? నష్టాలేంటో తెలుసుకోండి!
ఒత్తిడికి లోనవుతున్నారా? ఆరోగ్యానికి కలిగే నష్టాలేంటో తెలుసుకోండి.. అంటున్నారు ఆరోగ్య నిపుణులు. కారణం ఏదైనప్పటికీ మానసిక ఒత్తిళఅలు శరీర వ్యవస్థను బాగా దెబ్బతీస్తాయి. ఒత్తిళ్లు తీవ్రమైనప్పుడు నాడీ వ్యవస్థ అడ్రినలిన్, నార్-అడ్రినలిన్ అనే రసాయనాలను విడుదల చేస్తుంది.
మనసు ఒత్తిడికి గురువుతోందీ అంటే, ఏదో ఘర్షణ ఉందని, శరీరానికి అదనపు శక్తి అవసరమవుతుందని భావించి శరీరం హార్మోన్లను విడుదల చేస్తుంది. ఆ వెనువెంటనే గుండె వేగం, రక్తపోటు పెరుగుతాయి. అదనపు శక్తి కోసం గ్లూకోజ్ సాధారణ పరిమాణం కన్నా మించి విడుదల అవుతుంది.
ఇది శరీర శ్రమకు సంబంధించినది కాకపోవడం వల్ల అదనంగా విడుదల అయిన గ్లూకోజ్ శరీరంలోనే నిలిచిపోతుంది. అంతిమంగా ఇది మధుమేహానికి దారితీస్తుంది. వీటన్నింటికీ విరుగుడు శరీర శ్రమ, యోగా ప్రాణాయామాల. వ్యాయామాలు శరీర వ్యవస్థను బలోపేతం చేయడమే కాదు. మానసిక ఒత్తిళ్లను తట్టుకునే శక్తిని కూడా పెంచుతాయి.
