ఈ నెల 29వ తేదీన అమెజాన్ ప్రైమ్‌లో "ఆచార్య"
కొరటాల శివ దర్శకత్వంలో చిరంజీవి హీరోగా నటించిన చిత్రం "ఆచార్య". మెగా పవర్ స్టార్ రాంచరణ్ కీలక పాత్రను పోషించారు. నిరంజన్ రెడ్డి, అవినాశ్ రెడ్డిలు నిర్మాతలు. గత ఏప్రిల్ 29వ తేదీన ఈ చిత్రం విడుదలైంది. బలహీనమైన కథాంశంతో తెరకెక్కిన ఈ చిత్రాని నెగెటివ్ టాక్ వచ్చింది. దీంతో మెగా ఫ్యాన్స్‌తో పాటు ప్రేక్షకులు తీవ్ర అసంతృప్తికి లోనయ్యారు. ముఖ్యంగా కొరటాల శివ ఖాతాలో ఇప్పటివరకు ఒక్కటి కూడా పరాజయం లేదు. దీంతో ఆచార్యపై భారీ అంచనాలు నెలకొన్నాయి. అయితే, ఇది బాక్సాఫీస్ వద్ద బోల్తాకొట్టింది.
ఈ నేపథ్యంలో ఈ సినిమాను అమెజాన్ ప్రైమ్ మే నెల 20వ తేదీ నుంచి స్ట్రీమింగ్ చేయనున్నట్టు తెలుస్తోంది. అమెజాన్ ప్రైమ్ నుంచి అధికారిక ప్రకటన రానున్నట్టుగా సమచారం. ఈ సినిమాకి మణిశర్మ అందించిన సంగీతం హైలైట్‌గా నిలిచింది.
తిరు ఫొటోగ్రఫీ కూడా అదనపు బలంగా నిలిచింది. చిరంజీవి, చరణ్‌లపైనే పూర్తి దృష్టి పెట్టడం, పూజ హెగ్డే, సోనూ సూద్, అజయ్, వెన్నెల కిశోర్, తనికెళ్ల భరణి పాత్రలను సరిగ్గా డిజైన్ చేయకపోవడం ప్రేక్షకులను నిరాశకు లోనుచేసింది.
