తల్లి కాబోతున్న సింగర్ సునీత?
సింగర్ సునీత గురించిన ఓ వార్త ప్రస్తుతం టాలీవుడ్‌లో చక్కర్లు కొడుతోంది. సునీత గర్భవతి అని వార్తలు గుప్పుమన్నాయి. సునీత మళ్లీ తల్లి కావాలనే ఆలోచనలో ఉందని తెలుస్తోంది. కానీ సరోగసి ద్వారా పిల్లలను కనాలని ఆమె ప్లాన్ చేస్తున్నట్లు సమాచారం.
సునీత రెండో భర్త రామ్ పెద్ద డిజిటల్ కంపెనీకి ఓనర్. రామ్ కంపెనీ చిన్న చిన్న చిత్రాలను నిర్మించే ఆలోచనలో ఉంది. అయితే, ఆ చిన్న చిత్రాల నిర్మాణ పరంపరను సునీత నేపథ్యంలో సాగుతుందని.. కథల ఎంపిక దగ్గర నుంచి నిర్మాణం వరకు అన్నీ ఆమె చూసుకుంటుందని తెలుస్తోంది.
పైగా సునీతనే నిర్మాతగా వ్యవహరించే విధంగా రామ్ కూడా ప్లాన్ చేస్తున్నాడట. ఇంకా సునీత బుల్లితెర కోసం కూడా ప్రత్యేక ప్రోగ్రామ్‌లను ప్లాన్ చేస్తోంది.
ఇలా సునీత ఇటు కెరీర్‌ను, అటు వ్యక్తిగత జీవితాన్ని కూడా బ్యాలెన్స్‌ చేస్తూ జీవితాన్ని ఆస్వాదిస్తోంది. ఇలాంటి పరిస్థితుల్లో సరోగసి ద్వారా సునీత తల్లి కావాలనుకుంటోంది. ఈ వార్తల్లో ఎంత వరకు నిజముందో తెలియాలంటే వేచి చూడాల్సిందే.
