పెళ్లికి సిద్ధమైన మాధవీ లత.. ఆయన నిజానికి తెలుగువాడు కాదట!
మాధవి లత నచ్చావులే సినిమాతో తెరంగేట్రం చేసింది. ఈ సినిమా విజయం సాధించినా ఆమెకు పెద్దగా బ్రేక్ రాలేదు కానీ అడపాదడపా హిట్లు వచ్చాయి. దీంతో ఆమె పొలిటికల్ ఎంట్రీ ఇచ్చి భారతీయ జనతా పార్టీలో చేరారు. తాజాగా మాధవి లత తన సోషల్ మీడియా పేజీలో ఇంట్రెస్టింగ్ కామెంట్స్ చేశారు.
"నేను ఒకరిని కలిశాను. నేను ముందు అతనిని అర్థం చేసుకోవాలి. మేము మా తల్లిదండ్రుల నుండి అనుమతి పొందాలి. ఇది శీఘ్ర ప్రక్రియ కాదు. వీటన్నింటిని తేల్చేందుకు మరో ఏడాది పట్టవచ్చు.
నేను అతనిని పెళ్లి చేసుకుంటానో లేదో ఖచ్చితంగా చెబుతాను. పెళ్లి తేదీ గురించి అడగవద్దు." తనకు నచ్చిన వ్యక్తి గురించి హింట్ కూడా ఇచ్చింది. ఆయన తెలుగు వ్యక్తి కాదని తేలిపోయింది.
మాధవి లత ఇంకా మాట్లాడుతూ "అతను నిజానికి తెలుగువాడు కాదు. ఎందుకంటే నేను క్షత్రియ హిందువుని. కాబట్టి నా నమ్మకాలను గౌరవించే, పంచుకునే వ్యక్తిని నేను వివాహం చేసుకుంటాను. అందులో తప్పేమీ లేదు." అంటూ తెలిపింది.
