మెగాస్టార్ సైరాకు యు/ఏ సర్టిఫికేట్.. విడుదలకు సిద్ధం

Last Updated: సోమవారం, 23 సెప్టెంబరు 2019 (17:52 IST)
మెగాస్టార్ చిరంజీవి నటించిన 151వ చిత్రం సైరా నరసింహా రెడ్డి. ఈ చిత్రం ఫ్రీరిలీజ్ వేడుక ఆదివారం రాత్రి హైదరాబాద్ వేదికగా జరిగింది. సురేందర్ రెడ్డి దర్శకత్వం వహించిన ఈ చిత్రంలో నయనతార, తమన్నా హీరోయిన్లు కాగా, బిగ్ బి అమితాబ్, జగపతిబాబు, కిచా సుధీప్, విజయ్ సేతుపతి వంటి అగ్రనటులు కీలక పాత్రల్లో పోషించారు.

ఈ చిత్రం గాంధీ జయంతిని పురస్కరించుకుని అక్టోబరు రెండో తేదీన ప్రేక్షకుల ముందుకురానుంది. చిరంజీవి కెరియర్లోనే తొలి చారిత్రక చిత్రంగా 'సైరా' భారీ బడ్జెట్‌తో చిరంజీవి తనయుడైన హీరో రామ్ చరణ్ నిర్మించారు. ఈ చిత్రం ట్రైలర్ ఇప్పటికే సోషల్ మీడియాలో దుమ్మురేపుతోంది. ఈ చిత్రం తెలుగుతో పాటు.. హిందీ, తమిళం, మలయాళం భాషల్లో విడుదలకానుంది.
syeraa

ఈ నేపథ్యంలో తాజాగా ఈ సినిమా సెన్సార్ కార్యక్రమాలను పూర్తిచేసుకుంది. సెన్సార్ బోర్డు సభ్యులు ఈ చిత్రానికి ఒక్క కట్ కూడా చెప్పకుండా యూ/ఏ సర్టిఫికేట్‌ను మంజూరు చేయడం విశేషం. వారం రోజుల ముందుగానే సెన్సార్ కార్యక్రమాలను పూర్తి చేసుకున్న ఈ సినిమా విడుదలకి సిద్ధమైపోయింది.




దీనిపై మరింత చదవండి :