'బాహుబలి 2' కలెక్షన్లు రూ.1000 కోట్లు... చరిత్ర సృష్టించాం: ఆర్క మీడియా అధికారిక ప్రకటన
బాహుబలి 2 చిత్రం చరిత్ర సృష్టించింది. గత నెల 28వ తేదీన విడుదలైన ఈ చిత్రం ప్రపంచ వ్యాప్తంగా రూ.1000 కోట్ల కలెక్షన్లు సాధించి రికార్డు సృష్టించింది. ప్రపంచవ్యాప్తంగా బాహుబలి-2 వసూళ్లు రూ.1000 కోట్ల మార్
బాహుబలి 2 చిత్రం చరిత్ర సృష్టించింది. గత నెల 28వ తేదీన విడుదలైన ఈ చిత్రం ప్రపంచ వ్యాప్తంగా రూ.1000 కోట్ల కలెక్షన్లు సాధించి రికార్డు సృష్టించింది. ప్రపంచవ్యాప్తంగా బాహుబలి-2 వసూళ్లు రూ.1000 కోట్ల మార్క్ ను తాకాయని చిత్ర నిర్మాణ సంస్థ ఆర్క మీడియా అధికారిక ప్రకటనలో వెల్లడించింది.
ఈ మేరకు.. ఆదివారం మధ్యాహ్నం 12 గంటల సమయంలో సోషల్ మీడియా ట్విట్టర్‌లో సరికొత్త పోస్టర్‌ను విడుదల చేస్తూ, 'భారతీయ సినిమా చరిత్రలో నంబర్ 1 బ్లాక్ బస్టర్' అని పేర్కొంటూ తాము చరిత్ర సృష్టించామని రూ.1000 కోట్లు బాహుబలి వసూలు చేసిందని చెబుతూ, చేతులెత్తి నమస్కరిస్తున్న ఎమోజీలను ఉంచింది.
బాహుబలి కలెక్షన్లపై కరణ్ జోహార్ సైతం ఇదే పోస్టర్‌ను ట్వీట్ చేశాడు. ఇప్పటివరకూ సినిమా వసూలు చేసిన కలెక్షన్లపై పలు వార్తలు వచ్చినప్పటికీ, సినిమా తీసిన నిర్మాణ సంస్థ నుంచి కలెక్షన్లపై అధికారిక ప్రకటన కూడా వెలువడటంతో, బాహుబలి అభిమానుల ఆనందానికి అవధుల్లేకుండా పోయాయి.
