చిక్కుల్లో నటి రమ్య.. బ్రిటీష్ వారికి సహకరించిన ఆర్ఎస్ఎస్.. ప్రైవేట్ పిటీషన్ దాఖలు
కన్నడ నటి రమ్య మరోమారు చిక్కుల్లో పడ్డారు. బ్రిటీష్ వారికి ఆర్ఎస్ఎస్ నేతలు సహకరించారంటూ ఆరోపించారు. దీనిపై బెంగుళూరుకు చెందిన ఓ న్యాయవాది ప్రైవేట్ పిటీషన్ను దాఖలు చేశారు.
కన్నడ నటి రమ్య మరోమారు చిక్కుల్లో పడ్డారు. బ్రిటీష్ వారికి ఆర్ఎస్ఎస్ నేతలు సహకరించారంటూ ఆరోపించారు. దీనిపై బెంగుళూరుకు చెందిన ఓ న్యాయవాది ప్రైవేట్ పిటీషన్ను దాఖలు చేశారు. పాకిస్థాన్ నరకం కాదంటూ ఇటీవల రమ్య చేసిన వ్యాఖ్యలపై చెలరేగిన దుమారం చల్లారక ముందే ఆమె తాజాగా వివాదాస్పద వ్యాఖ్యలు చేశారు. దీంతో నటి రమ్యపై క్రిమినల్ కేసు నమోదు చేయాలని ఆయన కోరారు.
ఈ వివరాలను పరిశీలిస్తే... ఆర్ఎస్ఎస్ బ్రిటీష్ వారికి సహకరించారంటూ రమ్య చేసిన వ్యాఖ్యలపై వసంత్ మరకడ అనే న్యాయవాది ప్రయివేట్ పిటిషన్ దాఖలు చేశారు. రమ్యపై చర్య తీసుకోవాలని ఆయన మంగళూరు సమీపంలోని బెల్తాన్ గడి కోర్టులో పిటిషన్లో కోరారు.
అయితే అంతకుముందు ఆయన రమ్యపై కేసు నమోదు చేయాలని పోలీసులకు ఫిర్యాదు చేయగా, వారు కేసు నమోదు చేసేందుకు అంగీకరించకపోవడంతో కోర్టును ఆశ్రయించారు. వసంత్ స్టేట్మెంట్ను రికార్డు చేసిన కోర్టు రమ్యపై క్రిమినల్ కేసు నమోదు ఆదేశాలు ఇచ్చింది. ఈ సందర్భంగా ఆయన మాట్లాడుతూ రమ్యకు సమన్లు జారీ అయ్యే అవకాశాలు ఉన్నాయన్నారు.