పందెంకోడి -3 తీస్తాం.. అందులోనూ కీర్తి సురేషే హీరోయిన్: విశాల్
15 ఏళ్ల క్రితం వచ్చిన "పందెంకోడి" సినిమాతోనే స్టార్ అయ్యాడు విశాల్. లింగుస్వామి తెర‌కెక్కించిన ఈ చిత్రం విశాల్ కెరీర్‌కు పునాదులు వేసింది. ప్రస్తుతం పందెంకోడి 2 సిద్ధం అవుతోంది. ఈ చిత్ర ట్రైలర్‌కు మంచ
15 ఏళ్ల క్రితం వచ్చిన "పందెంకోడి" సినిమాతోనే స్టార్ అయ్యాడు విశాల్. లింగుస్వామి తెర‌కెక్కించిన ఈ చిత్రం విశాల్ కెరీర్‌కు పునాదులు వేసింది. ప్రస్తుతం పందెంకోడి 2 సిద్ధం అవుతోంది. ఈ చిత్ర ట్రైలర్‌కు మంచి హైప్ వచ్చింది. అక్టోబ‌ర్ 18న విడుదల కానున్న ఈ సినిమాను విశాల్ ఫిల్మ్ ఫ్యాక్ట‌రీతో పాటు లైకా ప్రొడ‌క్ష‌న్స్ కూడా ఈ చిత్రాన్ని నిర్మిస్తున్నారు.
ప్రస్తుతం ఈ సినిమాకు సీక్వెల్ రాబోతుంది. అవును.. నిజమే. పందెంకోడి-3కి రంగం సిద్ధమవుతోంది. ఈ విషయమై విశాల్ మాట్లాడుతూ.. ''కెరియర్ ఆరంభంలో లింగుస్వామి దర్శకత్వంలో 'పందెం కోడి' చేసిన తాను, మళ్లీ 25వ సినిమాగా ఈ సీక్వెల్ చేయడం విశేషం. ఈ సినిమాలో తనకు జోడీగా కీర్తీ సురేష్ కనిపిస్తుందని స్పష్టం చేశారు.
పందెంకోడి సీక్వెల్‌లో కీర్తి సురేష్ యాక్షన్ సీన్స్ కూడా బాగా చేసిందని.. నటనాపరంగా అద్భుతంగా చేసిందని.. అందుకే పందెంకోడి-3లోనూ ఆమెకు హీరోయిన్‌గా ఛాన్స్ ఇవ్వనున్నట్లు విశాల్ ప్రకటించారు. ఇక పందెంకోడి -2లో వరలక్ష్మి నటన ప్రేక్షకులకు ఎప్పటికీ గుర్తుండిపోతుందని.. ఈ సినిమా తన ఖాతాలో మరో హిట్‌ను సంపాదించిపెడుతుందని విశాల్ నమ్మకం వ్యక్తం చేశారు.
