1. వినోదం
  2. తెలుగు సినిమా
  3. ట్రైలర్స్
  4. Raju Gari Gadhi 2 Theatrical Trailer

ఊరమాస్ దెయ్యంతో ఆటాడుకునే మెంటలిస్టు.. "రాజు గారి గది 2" ట్రైలర్

"ఆత్మను శస్త్రము ఛేదింపజాలదు.. అగ్ని దహింపజాలదు... ఆత్మ నాశనము లేనిది" అంటూ భగవద్గీతలోని శ్లోకంతో మొదలు పెడుతూ, 'రాజుగారి గది-2' థియేటరికల్ ట్రైలర్‌ను చిత్ర యూనిట్ బుధవారం రిలీజ్ చేసింది.

Raju Gari Gadhi 2
"ఆత్మను శస్త్రము ఛేదింపజాలదు.. అగ్ని దహింపజాలదు... ఆత్మ నాశనము లేనిది" అంటూ భగవద్గీతలోని శ్లోకంతో మొదలు పెడుతూ, 'రాజుగారి గది-2' థియేటరికల్ ట్రైలర్‌ను చిత్ర యూనిట్ బుధవారం రిలీజ్ చేసింది. ఇందులో హీరో నాగార్జున మెంటలిస్టుగా, కళ్లల్లో చూస్తూ గుండెల్లో ఏమున్నదో చెప్పే మానసిక వైద్యుడిగా కనిపిస్తున్నాడు.
 
సాధారణ హారర్ సినిమాల్లో కనిపించే శబ్దాలు కూడా ఉన్నాయి. ఇక ఈ దెయ్యం మామూలుది కాదని, ఊరమాస్ దెయ్యమని, పిచ్చెక్కించేస్తోందని వెన్నెల కిశోర్ చెప్పటం, చేతిలో రుద్రాక్ష మాలతో నాగార్జున దాన్ని ఆటాడించే ప్రయత్నం చేయడం తెలుస్తోంది. 
 
ఓ అమ్మాయి ఆత్మ పగతో ఉందని, ప్రతీకారం కోరుతోందని నాగ్ చెప్పడం, ఆత్మ ఆకారాన్ని చిత్రిస్తే, దానంతట అదే మాయం కావడం వంటి దృశ్యాలతో ఈ ట్రైలర్ అదిరిపోయింది. ఇక తొలిభాగంలో ఉన్న ఫేమస్ డైలాగ్ 'బొమ్మాళీ నన్ను పెళ్లిచేసుకుంటావా?' అన్న మాటలు ఇందులోనూ ఉన్నాయి. 
 
కాగా, ఈ చిత్రం వచ్చే నెల 13వ తేదీన విడుదల కానుంది. సమంత కీలక పాత్రలో నటించింది. ఓంకార్‌ ఈ చిత్రానికి దర్శకత్వం వహించారు. పీవీపీ, మ్యాట్నీ ఎంటర్‌టైన్మెంట్, ఓంకార్ ఎంటర్‌టైన్మెంట్ నిర్మాణ సంస్థలు కలిసి ఈ చిత్రాన్ని సంయుక్తంగా నిర్మించాయి. 
 
About Writer
pnr
ఠాగూర్ పులపాక ప్రముఖ దినపత్రిక ఈనాడు, చెన్నై కార్యాలయంలో 'న్యూస్ కాంట్రిబ్యూటర్‌'గా జర్నలిజం ఓనమాలు నేర్చుకున్నారు. హైదరాబాద్ కార్యాలయంలో 'ఆంధ్రజ్యోతి' సబ్-ఎడిటర్ పని చేశారు. 2007 నుంచి 'వెబ్ దునియా'లో అసిస్టెంట్ ఎడిటర్‌‌గా విధులు నిర్వహిస్తున్నారు..... మరింత చదవండి
తర్వాతి కథనం
మహేష్ బాబు "స్పైడర్" కథ ఏంటంటే...