చలికాలంలో పెదాలు మృదువుగా ఉండాలంటే?
చలికాలంలో పెదవులు పొడిబారకుండా మృదువుగా తయారవ్వాలంటే.. ఈ టిప్స్ పాటించండి. రెండు చెంచాలా పంచదార, చెంచా తేనె జత చేసి బాగా కలపాలి. ఈ మిశ్రమాన్ని పెదవులకు రాసుకుని కొన్ని నిమిషాలు అలానే ఉంచాలి.
తర్వాత వేళ్ల చివర్లతో పెదవుల చుట్టూ మెల్లగా రుద్దాలి. ఇప్పుడు గోరువెచ్చిని నీళ్లతో శుభ్రం చేసుకుంటే సరిపోతుంది. ఇలా చేయడం వల్ల పై పొరల్లో ఉండే మృతకణాలు తొలగిపోతాయి. ఫలితంగా పెదవులు మృదుత్వాన్ని సంతరించుకుంటాయి.
ఇక పెదవులపై కొబ్బరినూనె సహజ మాయిశ్చరైజర్లా పనిచేస్తుంది. పగిలిన పెదాలను తిరిగి సాధారణ స్థితికి తీసుకువస్తుంది. రోజంతా ఎన్ని సార్లు వీలైతే అన్ని సార్లు పెదాలకు కొద్దిగా కొబ్బరినూనె రాసుకుంటూ ఉండాలి.
ఈ విధంగా చేయడం వల్ల పెదవుల్లోని తేమ ఎక్కువ సమయం నిలిచి ఉండటానికి అవకాశం ఉంటుంది. కొబ్బరి నూనెకు బదులు ఆలివ్ ఆయిల్ని కూడా ఉపయోగించుకోవచ్చు.
