గురువారం, 25 జులై 2024
  1. వినోదం
  2. తెలుగు సినిమా
  3. కథనాలు
Written By ఠాగూర్
Last Updated : శుక్రవారం, 26 ఫిబ్రవరి 2021 (13:33 IST)

హైదరాబాద్ రోడ్లపై కోలీవుడ్ స్టార్ హీరో సైక్లింగ్...

కరోనా లాక్డౌన్ కారణంగా అనేక తమిళ చిత్రాలు హైదరాబాద్ నగరంలోని రామోజీ ఫిల్మ్ సిటీలో షూటింగులు జరుపుకుంటున్నాయి. ఇలాంటి చిత్రాల్లో స్టార్ హీరో అజిత్ నటిస్తున్న వలిమై చిత్రం ఒకటి. ఈ చిత్రం షూటింగ్ కోసం అజిత్ క్రమంగా హైదరాబాద్‌కు వస్తున్నారు. 
 
అయితే, ఆయన హైదరాబాద్‌కు వెళ్లినపుడల్లా ఏదో విధంగా మీడియా కంట పడుతున్నారు. ప్రముఖ బైక్ రేసర్ అయిన అజిత్.. గతంలో హైదరాబాద్ నుంచి చెన్నైకు బైక్‌పై వచ్చిన విషయం తెల్సిందే.
 
ఇపుడు భాగ్యనగరి రోడ్లపై సైక్లింగ్ చేస్తూ కనిపించారు. త‌న‌ను ఎవ్వ‌రూ గుర్తు ప‌ట్ట‌కుండా బ్లాక్ అవుట్‌ఫిట్, హెల్మెట్, గాగుల్స్ ధరించాడు. అయితే, ఆయ‌న హైద‌రాబాద్‌కు సినిమా షూటింగ్ కోసం లేదా మ‌రో ప‌ని మీదా రాలేదు. స్నేహితులతో కలిసి సైక్లింగ్ చేయడమంటే అజిత్ ఇష్ట‌ప‌డ‌తాడు.
 
ఆయ‌న త‌మిళ‌నాడు నుంచి కోల్‌కతా వరకు సైక్లింగ్ చేయాల‌ని నిర్ణ‌యం తీసుకున్నాడు. ఇందులో భాగంగా హైద‌రాబాద్ రోడ్ల‌పై నుంచి వెళ్లాడు.  హైద‌రాబాద్‌లోని ప‌లు చోట్ల కాసేపు సైకిల్ ఆపి ఆయ‌న విశ్రాంతి తీసుకున్న ఫొటోలు ప్రస్తుతం సోషల్ మీడియాలో వైరల్ అవుతున్నాయి.