ఆ వెస్టిండీస్ క్రికెటర్ అలాంటివాడా? 11 మంది మహిళలపై అత్యాచారం?
వెస్టిండీస్ జాతీయ జట్టులో సభ్యుడుగా ఉన్న ఓ క్రికెటర్ చిక్కుల్లో పడ్డారు. ఆయన ఏకంగా ఓ మైనర్ బాలికతో పాటు ఏకంగా 11 మంది బాలికలపై అత్యాచారం, లైంగికదాడి, వేధింపులకు పాల్పడినట్టు ఆరోపణలు వస్తున్నాయి. అయితే, కేసును తొక్కేసేందుకు క్రికెటర్‌తో చేతులు కలిపి పోలీసులు ప్రయత్నిస్తున్నట్టు బాధితులు ఆవేదన వ్యక్తం చేస్తూ తమకు న్యాయం చేయాలని వారు కోరుతున్నారు.
బాధితుల్లో ఒకరైన 18 యేళ్ల యువతిపై 2023 మార్చి 3వ తేదీన న్యూ ఆమ్‌స్టర్‌డామ్‌లోని ఒక ఇంట్లో ఈ దారుణం జరిగినట్టు కుటుంబ సభ్యులు ఆరోపిస్తున్నారు. సోషలైంజిగ్ పేరుతో ఆమెను నమ్మించి ఇంటిలోని పై గదికి తీసుకెళ్లి అత్యాచారానికి పాల్పడినట్టు బాధితురాలు ఆరోస్తోంది.
ఈ కేసును బయటకు రాకుండా చేసేందుకు క్రికెటర్ అనుచరులతో పాటు గయానా పోలీసులు కూడా ప్రయత్నిస్తున్నారని బాధితురాలి కుటుంబం ఆరోపించింది. ఈ వార్త వెలుగులోకి వచ్చిన తర్వాత మరికొందరు మహిళలు ముందుకు వచ్చి తమ వద్ద ఉన్న స్క్రీన్ షాట్లు, వాయిస్ నోట్స్, మెడికల్ రిపోర్టులు వంటి ఆధారాలను బయటపెడుతున్నారు.
