మాస్కోలో నగ్న పార్టీలు.. క్యూ కట్టిన ప్రముఖులు?
రష్యా రాజధాని మాస్కోలో నగ్న పార్టీ జరిగింది. ఇందులో పాల్గొనేందుకు అనేక మంది క్యూ కట్టినట్టు సమాచారం. ఈ విషయం వెలుగులోకి రావడంతో ఆగ్రహావేశాలు వ్యక్తమవుతున్నాయి. 'మాస్కో టైమ్స్' ఈ అంశంపై ప్రత్యేక కథనాన్ని ప్రచురించింది. ఈ కథనం మేరకు ముటాబోర్‌లోని ఓ పాపులరో నైట్ క్లబ్‌లో జరిగిన ఈ పార్టీకి టీవీ ప్రెజెంటర్, నటి అనస్టాసియా ఇల్లీవా ఆతిథ్యమివ్వడం గమనార్హం. ఈ నగ్నపార్టీకి సంబంధించి వీడియోలు, ఫొటోలు సోషల్ మీడియాలో చక్కర్లు కొడుతున్నాయి.
పాప్ స్టార్లు ఫ్లిప్ కిర్కోరోవ్, లోలిత, డిమా బిలాన్, టీవీ హోస్ట్, 2018 అధ్యక్ష అభ్యర్థి కెసెనియా సోబ్చక్ సహా పలువురు సెలబ్రిటీలు హాజరయ్యారు. రష్యా అధ్యక్షుడు వ్లాదిమిర్ పుతిన్‌కు సోబ్ చక్‌ను 'గాడ్ డాటర్'గా పేర్కొంటారు. రష్యా రాజకీయవేత్త మారియా బుటినా కూడా ఈ పార్టీకి హాజరయ్యారు.
ఈ పార్టీపై విషయం వెలుగులోకి రాగానే దేశవ్యాప్తంగా ఆగ్రహావేశాలు వ్యక్తమయ్యాయి. ఈ పార్టీ దేశ సంప్రదాయ విలువలను మట్టిలో కలిపేసిందంటూ పలువురు సామాజిక మాధ్యమాల్లో మండిపడ్డారు. దీంతో ఈ నగ్న పార్టీ విషయాన్ని ప్రభుత్వం సీరియస్‌గా తీసుకుంది.
ఆ పార్టీ రష్యా ఎల్జీబీటీక్యూ ప్లస్ ప్రచార నిషేధానికి కట్టుబడే జరిగిందా? సంప్రదాయ రష్యన్ ఆధ్యాత్మిక, నైతిక విలువలను ఉల్లంఘించిందా? అంటూ పార్టీకి హాజరైన బుట్టినాను రష్యా అంతర్గత వ్యవహారాల మంత్రిత్వశాఖ ప్రశ్నించింది. ఈ విషయాన్ని ఆమె ఎక్స్ ద్వారా వెల్లడించింది.
