డొనాల్డ్ ట్రంప్ చేతిలో ఆపిల్ వుంది.. అయినా తినలేరు..
అమెరికా అధ్యక్షుడు డొనాల్డ్ ట్రంప్ అగ్రరాజ్యానికి అధినేత.. అయితే ఆయన చేతికందింది.. నోటికి అందలేదు. ఏంటది? అనుకుంటున్నారు.. కదూ.. అదేనండి ఆపిల్ స్మార్ట్ ఫోన్. రియల్ ఎస్టేట్ రంగంలో తిరుగులేని వ్యాపారవేత
అమెరికా అధ్యక్షుడు డొనాల్డ్ ట్రంప్ అగ్రరాజ్యానికి అధినేత.. అయితే ఆయన చేతికందింది.. నోటికి అందలేదు. ఏంటది? అనుకుంటున్నారు.. కదూ.. అదేనండి ఆపిల్ స్మార్ట్ ఫోన్. రియల్ ఎస్టేట్ రంగంలో తిరుగులేని వ్యాపారవేత్తగా రాణించిన ట్రంప్.. వైట్‌హౌస్‌లో అడుగుపెట్టకముందు... సోషల్ మీడియాను తెగ వాడుకున్నారు. కానీ ట్రంప్ అధ్యక్షుడయ్యాక భద్రతా కారణాల రీత్యా ప్రస్తుతం ఆయన చేతిలో సెల్ ఫోన్ కేవలం హల్లో చెప్పడానికే పనికొస్తుందట.
హలో చెప్పడం.. గేమ్స్ ఆడుకోవడానికి తప్పనిస్తే.. అత్యాధునిక ఫీచర్లున్న ఆపిల్ ఐఫోన్‌లో ఎలాంటి యాప్‌లకు అవకాశం ఇవ్వట్లేదని సమాచారం. కానీ ట్రంప్ మాత్రం ట్విట్టర్ తన ఐఫోన్‌లో వుండాలని కోరారని తెలుస్తోంది. ఆయన విజ్ఞప్తి మేరకు ట్విట్టర్‌ను మాత్రం యాక్టివేట్ చేసినట్లు సమాచారం.
అమెరికా అధ్యక్ష ఎన్నికలకు ముందు ప్రచారం కోసం ట్విట్టర్‌ను తెగ వాడుకున్న ట్రంప్.. అధికారంలోకి వచ్చాక ట్విట్టర్ ద్వారానే గెలిచానని గొప్పగా చెప్పుకున్నారు. అయితే ట్విట్టర్ సహ వ్యవస్థాపకుడు ఇవాన్ విలియమ్స్ మాత్రం ట్రంప్ అధ్యక్షుడు అయ్యేందుకు ఒకవేళ ట్విట్టర్ సాయపడి వుంటే అందుకు తాను క్షమాపణలు చెప్తున్నానని వ్యాఖ్యానించారు.
