నకిలీ ఫేస్ బుక్.. ఫ్రెండ్స్‌తో చాటింగ్.. బ్లాక్ చేయండి: పోలీసులకు అమీర్ ఖాన్ భార్య
ప్రముఖ బాలీవుడ్ హీరో అమీర్ ఖాన్ భార్య కిరణ్ రావు అసహనం వ్యాఖ్యల తర్వాత మళ్లీ సీన్లోకి వచ్చారు. అయితే ఈసారి దేశానికి సంబంధించిన వ్యాఖ్యలతో కాదు. తన ఫేస్ బుక్ నకిలీదని పోలీసులను ఆశ్రయించారు. తన పేరిట నకిలీ ఫేస్ బుక్ ఉందని పోలీసులకు ఫిర్యాదు చేశారు.
ఈ ఫేస్ బుక్‌లో తన ఫోటోలను అప్‌లోడ్ చేయడంతో పాటు.. స్నేహితులు, బంధువులతో తన పేరుపై చాటింగ్ చేస్తున్నట్లు బాంద్రాలోని సైబర్ క్రైం పోలీసులకు ఫిర్యాదు చేశారు. తమతో చాట్ చేసిన విషయాలను కిరణ్ రావు ఫ్రెండ్స్ ప్రస్తావించారు. దీంతో కిరణ్ రావే తన పేరిట నకిలీ ఫేస్ బుక్ అకౌంట్ ఉండటాన్ని చూసి షాక్ అయ్యారు. ఈ ఫేస్ బుక్ అకౌంట్‌ను బ్లాక్ చేయాలని ఆమె పోలీసులను కోరారు.
ఈ కేసుపై అడిషనల్ కమిషనర్ ఆఫ్ పోలీస్ కేఎమ్ఎమ్ స్పందిస్తూ.. ఈ కేసును నమోదు చేసుకుని దర్యాప్తు చేస్తున్నామన్నారు. ఐపీ అడ్రెస్ ద్వారా ఫేక్ అకౌంట్ ఓపెన్ చేసిన వ్యక్తిని కనుగొంటామన్నారు.
