20వ తాన సభల కౌంట్ డౌన్ - 23 రోజుల్లో...

TANA
ivr| Last Modified మంగళవారం, 9 జూన్ 2015 (20:38 IST)
20వ తానా మహాసభలకి మనం ఎందుకు రావాలి  - తాన మహాసభల ప్రత్యేకతలు.
“ సేవ, సంస్కృతికి జీవం, సమైక్యత బలం “ తానా సభల ధ్యేయం.
• జూలై 2,3,4 తేదీలలో నిర్వహించబడే 20వ తానా మహా సభలు తెలుగు వారి సాంస్కృతిక వైభవానికి ప్రతీకగా నిలవనున్నాయి. 
• తెలుగు తేజాలను తెలుగు జాతి సమక్షంలో సత్కరించుకొనే అపూర్వ వేదికలు తానా మహా సభలు.
• తెలుగు సాహితీ, సాంప్రదాయాలకు పెద్ద పీట వేసి జాతి ఔన్నత్యాన్ని దశ దిశలా చాటే కాంతి పుంజాలు - ద్వైవార్షిక తానా మహా సభలు   
• దశాబ్ద కాల విరామం తరువాత డిట్రాయిట్ వేదికగా  జరగబోయే ఈ వేడుకలు ప్రవాస తెలుగు వారందరికీ సుమధుర మధురానుభూతుల సమాహారాలు.
• ఏడుకొండల వాడిని నిరంతరం అర్చించే అర్చక స్వాముల చేత జరుపబడే పూజా కార్యక్రమాలతో, షిర్డీ సాయినాథుడి సేవలో అనవరతం తరించే పూజారుల భక్తి కార్యక్రమాలతో అలరారే  ఆధ్యాత్మిక వైభవాల సుమ గంధాల గుబాళింపు ఈ తానా వేడుక!
• తెలుగు సాహితీ వైభవానికి పట్టం కట్టి, భాషా సేవలో తరించే శ్రీ మేడసాని మోహన్ గారి సాహిత్యావధానం, ప్రాచీన భాషగా గుర్తింపబడ్డ తెలుగు భాష వైభవాన్ని నలువైపులా చాటే సమ్మోహనాస్త్రం !  
• ప్రముఖ పత్రికా సంపాదకులతో  ముఖాముఖి, సినీ కళాకారుల సందడి, రాజకీయ వేత్తల ఉద్వేగభరిత సందేశాల మేలు కలయిక మన తానా సభలు
• మణిశర్మ సంగీత విభావరి, శివారెడ్డి మిమిక్రీ, ప్రముఖ వ్యాఖ్యాతలు సుమ, ఝాన్సీల వ్యాఖ్యానం  ప్రత్యేక ఆకర్షణలు.
• విజయవాడ సిద్ధార్ధ కళాశాల డ్రమ్మర్స్ కార్యక్రమం, డిట్రాయిట్ యూత్ షో, ఎబిలిటీ అన్ లిమిటెడ్ వారిచే ( ప్రత్యేక శక్తి సామర్ద్యం శక్తి సామర్థ్యాలు కలవారిచే)  ఎన్నెన్నో  అలరించే కార్యక్రమాలు.
• TV5 వారి సహకారంతో నిర్వహించబోయే పేరిణి నృత్యం , వీనులవిందైన సంగీతం, ఇంకా, కనువిందు చేసే తానా ప్రధాన వీధిపై నిర్వహించబడే చర్చలు, గోష్టులలో పాల్గొనగలిగే అపూర్వ అవకాశం  
• జాతీయ, అంతర్జాతీయ స్థాయిలోనిర్వహించ బడే  క్రికెట్ లీగ్ పోటీలు, టెన్నిస్, వాలీబాల్ , బాడ్మింటన్, చదరంగం పోటీలు ప్రపంచ యువ క్రీడాకారుల ప్రతిభా పాటవ విన్యాసాల అపురూప తోరణాలు - మన తానా వేడుకలు 
• TV9 వారితో తానా సంయుక్తంగా నిర్వహిస్తున్న “ధిం తానా” , అమెరికా కెనడా లో 16 నగరాలలో నృత్యాలు, పాటల పోటీలు, మిస్ టీన్, మిస్ తానా, మిసెస్ తానా ఫైనల్స్ చూసే అవకాశం. 
• యువతను ఆకర్షించే ప్రత్యేక కార్యక్రమాలు, మహిళా సమస్యలపై చర్చలు
•  రైతన్నల సంక్షేమార్థం జాతీయ , అంతర్జాతీయ శాస్త్రజ్ఞులతో సమావేశాలు. వ్యవసాయ విభాగం ద్వారా ముందెన్నడూ జరగని విధంగా అన్నదాత సౌభాగ్యం  కొరకు ప్రముఖులతో సమావేశాలు.
• తెలుగువారికే స్వంతమైన షడ్రుచుల వంటకాలతో, ఏ పూటకు ఆ పూటే చవులూరించే మృష్టాన్న భోజనాల రుచులతో,  ఆహుతులకు ఒక చెరగని స్మృతిని మిగిల్చే విందులు మన తానా మహా సభలు
• మేధావులు, రాజకీయ ప్రముఖులు, కళాకారులు, రచయితలు, యువత , మహిళా మణుల అపురూప   సంగమం ఈ మహాసభలు.  
• ఆధ్యాత్మిక గురువుల ప్రవచనాలు,సాహితీ వేత్తల అవధానాలు, తెలుగు ఛందస్సు మీద విశిష్ట మైన చర్చలు వినడానికి ఇంతకన్నా అవకాశం  అమెరికాలో ఉంటూ వస్తుందంటారా?
• భావి తరాల వారిని తెలుగు సంస్కృతీ, సాంప్రదాయలకు దగ్గర చేసి, యువతను మన వారసత్వ సంపదగా తీర్చిదిద్దగలిగే అనేక కార్యక్రమాల సుమహారాల మాలిక, మన తానా సభలు 
• వివాహ వేదికలు, వస్తు ప్రదర్సనలు, విక్రయ దారుల క్రయ విక్రయాలు, ఇంకా ఎన్నెన్నో వినూత్నమైన కార్యక్రమాలు.
• సేవ, సంస్కృతిక, ఆధ్యాత్మిక, వాణిజ్య వైభవం డిట్రాయిట్ లో జరగనున్న 20 వ తానా మహాసభల చిరునామా.
 
రిజిస్ట్రేషన్ చేసుకోండి, రిజిస్ట్రేషన్ చేసుకున్నవారికి లక్కీ డ్రాలో పట్టుచీర గెలిచే అవకాశం వినియోగించుకోండి. తానా మహాసభలకు విచ్చేయండి, తానా ఆతిధ్యం స్వీకరించండి, తానా మహాసభలను జయప్రదం చేయండి.



దీనిపై మరింత చదవండి :