'పైసా వసూల్'కు నెగెటివ్ టాక్.. 'అర్జున్ రెడ్డి' మరింత దూకుడు

గత నెల 25వ తేదీన విడుదలైన 'అర్జున్ రెడ్డి' మూవీ తెలుగు రాష్ట్రాలతో పాటు ఓవర్సీస్‌ కలెక్షన్లలో దూసుకుపోతోంది. విడుదలై వారం కూడా కాకముందే ఈ సినిమా కొత్త రికార్డులను సొంతం చేసుకుంటూ తన ప్రత్యేకతను చాటుకు

Publish: Fri, 1 Sep 2017 (12:02 IST) Updated: Fri, 1 Sep 2017 (12:03 IST)

గత నెల 25వ తేదీన విడుదలైన 'అర్జున్ రెడ్డి' మూవీ తెలుగు రాష్ట్రాలతో పాటు ఓవర్సీస్‌ కలెక్షన్లలో దూసుకుపోతోంది. విడుదలై వారం కూడా కాకముందే ఈ సినిమా కొత్త రికార్డులను సొంతం చేసుకుంటూ తన ప్రత్యేకతను చాటుకుంటోంది. అమెరికాలో కేవలం 89 థియేటర్స్‌లో మాత్రమే విడుదలైన ఈ సినిమా, కేవలం 5 రోజుల్లోనే 11 లక్షల ఒక వేయి 167 డాలర్లను వసూలు చేసింది.

ఇంత తక్కువ థియేటర్స్‌లో విడుదలై .. ఇంత తక్కువ సమయంలో ఒక మిలియన్ డాలర్లను వసూలు చేసి ఆశ్చర్యచకితులను చేసింది. ఇంతకుముందు అక్కడ రిలీజైన ఏ తెలుగు సినిమా ఈ అరుదైన ఫీట్‌ను సాధించలేకపోవడం విశేషం. 'పెళ్లి చూపులు' మాదిరిగానే 'అర్జున్ రెడ్డి' కూడా అక్కడ ఎక్కువ రోజులు ఆడేసే అవకాశం ఉందనే అభిప్రాయాలు వ్యక్తమవుతున్నాయి.  

కాగా, ఈ చిత్రంలోని ముద్దు సన్నివేశాల వివాదంపై హీరో విజయ్ దేవరకొండ స్పందిస్తూ.. ఏ సినిమా అయినా బాగుంటే కాంట్రావర్సీస్ ఎంత చేసినా ఎవరూ పట్టించుకోరని ఓ ప్రశ్నకు సమాధానంగా ఆయన చెప్పారు. ప్రేమ యొక్క స్వచ్ఛమైన రూపం ‘కిస్’ అని, కాంట్రావర్సీ సినిమా తాము తీయలేదని, ఈ సినిమాపై కొందరు కాంట్రావర్సీ చేస్తున్నారని అన్నారు. ఈ సినిమాలో హిపోక్రసీ లేదని, ఇలాంటి ప్రేమకథలు చాలా ఉంటాయని, అందుకే, ప్రేక్షకులకు ఈ సినిమా నచ్చిందని, బాగా ఆదరిస్తున్నారని చెప్పాడు.