ఆ బడా ముసలి నిర్మాతపై కంపు.. ఆ హీరోయిన్ మమ్మల్ని మంచం కింద దాక్కోమంది.. జేడీ చక్రవర్తి

BY: సెల్వి

Publish: Fri, 24 Apr 2026 (12:22 IST) Updated: Fri, 24 Apr 2026 (12:30 IST)

JD Chakravarthy

సినీ ఇండస్ట్రీలో జరుగుతున్న అకృత్యాలు ఎక్కువే. వీటిలో చాలామటుకు బయటపడవు. తమకు జరిగిన అన్యాయాలను బయటికి చెప్పడానికి చాలామంది మహిళలు సంకోచిస్తారు. అయితే కొందరు క్యాస్టింగ్ కౌచ్, మీటూ ద్వారా సినీ పెద్దలచే తాము ఎదుర్కొన్న ఇబ్బందులను ఓపెన్‌గా చెప్పారు. ఈ క్రమంలో టాలీవుడ్ ఇండస్ట్రీలో ఓ హీరోయిన్‌కు జరిగిన చేదు ఘటన గురించి నటుడు జేడీ చక్రవర్తి ఓపెన్ చేశారు. 

ఈ విషయం జరిగే సమయంలో తాను విలన్ రోల్స్ చేస్తుండే వాడినని, సుమన్ తనకు మంచి స్నేహితుడని జేడీ చెప్పుకొచ్చారు. అలాగే ఓ హీరోయిన్‌తో సుమన్ తాను డిన్నర్ చేస్తుండగా.. కాలింగ్ బెల్ మోగింది. ఎవరని చూసిన ఆ హీరోయిన్.. మమ్మల్ని మంచం కింద దాక్కోమని చెప్పింది. తమకు ఏమీ అర్థం కాలేదు. అమ్మాయికి తాత వయసున్న ఓ బడా ప్రొడ్యూసర్ వచ్చాడు. 

అతడు వెళ్లిపోయాక ఆ హీరోయిన్ నవ్వుతుంటే మా ఇద్దరి కళ్లల్లో నీళ్లు తిరిగాయి. ఆ ముసలోడిపై భరించలేని కంపు వస్తుంది. అయినా ఏం చేస్తాం.. తప్పదు కదా.. పెద్ద ప్రొడ్యూసర్ అంటూ చెప్పుకొచ్చిందని జేడీ అన్నారు. ఓ అమ్మాయి కూడా ఎవరితోనైనా ఏదైనా చేసిందంటే.. ఇది ఇష్టపడి కాదు.. పరిస్థితులు అలా చేస్తాయి.. జేడీ ఓ ఇంటర్వ్యూలో చెప్పారు. 

అవకాశాల కోసం అమ్మాయిలు సినీ ఇండస్ట్రీలో నరకం అనుభవిస్తున్నారని జేడీ వ్యాఖ్యానించారు. ప్రస్తుతం జేడీ కామెంట్లు సోషల్ మీడియాలో వైరల్ అవుతున్నాయి. ఆ బడా నిర్మాత ఎవరు?, ఆ హీరోయిన్ ఎవరు అనేదానిపై రచ్చ రచ్చ జరుగుతుంది.