హీరో అఖిల్ - శ్రీయాభూపాల్ పెళ్లి రద్దు... నాగార్జున నమ్మడం లేదట... అందుకే నో కామెంట్స్
టాలీవుడ్ యువ హీరో అఖిల్ అక్కినేని, ప్రముఖ ఫ్యాషన్ డిజైనర్ శ్రీయా భూపాల్ రెడ్డిల మధ్య నిశ్చితార్థం జరిగింది. కానీ, అనుకోకుండా వీరిద్దరి పెళ్లి ఆగిపోయింది. ఈ వార్త టాలీవుడ్‌లోనే తెలుగు రాష్ట్రాల్లో పెను
టాలీవుడ్ యువ హీరో అఖిల్ అక్కినేని, ప్రముఖ ఫ్యాషన్ డిజైనర్ శ్రీయా భూపాల్ రెడ్డిల మధ్య నిశ్చితార్థం జరిగింది. కానీ, అనుకోకుండా వీరిద్దరి పెళ్లి ఆగిపోయింది. ఈ వార్త టాలీవుడ్‌లోనే తెలుగు రాష్ట్రాల్లో పెను చర్చనీయాంశంగా మారింది. కానీ, ఈ వివాహం రద్దుపై ఇటు హీరో అక్కినేని నాగార్జున లేదా శ్రీయా భూపాల్ రెడ్డి కుటుంబ సభ్యులు అధికారికంగా ఇప్పటివరకు స్పందించలేదు. కనీసం సోషల్ మీడియా ద్వారా కూడా సమధానం చెప్పలేదు.
అయితే, నాగార్జున స్పందించక పోవడం వెనుక ఓ కథనం వినిపిస్తోంది. నాగ్‌ మాత్రమే కాదు.. మిగిలిన ఎవ్వరూ కూడా దీని గురించి స్పందించకపోవడానికి కారణం.. అఖిల్, శ్రీయ మళ్లీ కలుస్తారనే ఆశ వారిలో ఉండటమేనట. వారి మధ్య చిన్న విభేదాలు మాత్రమే వచ్చాయని, అవి క్రమంగా సమసిపోతాయని నాగార్జున గట్టిగా నమ్ముతున్నారు.
ఇప్పటికి పెళ్లి డేట్‌ మాత్రమే క్యాన్సిల్‌ అయిందని, ఎంగేజ్‌మెంట్‌ క్యాన్సిల్‌ కాలేదనే మరో టాక్‌ కూడా వినిపిస్తోంది. అందుకే తొందరపడి ముందుగా ఎలాంటి ప్రకటనా చేయకూడదని నాగ్‌ భావిస్తున్నారట. మొత్తానికి అఖిల్, శ్రీయ ఎలాగైనా కలుసిపోవాలని అక్కినేని కుటుంబంతోపాటు అభిమానులు కూడా బలంగా కోరుకుంటోంది.
