శుక్రవారం, 29 మార్చి 2024
  1. వినోదం
  2. తెలుగు సినిమా
  3. కథనాలు
Written By
Last Updated : శనివారం, 2 మార్చి 2019 (12:34 IST)

ఎఫ్2 అదరగొడుతోంది.. రూ.140 కోట్ల గ్రాస్‌ కలెక్షన్స్‌తో సరికొత్త రికార్డు..

సంక్రాంతికి దిల్ రాజు నిర్మాణంలో వెంకటేష్, వరుణ్ తేజ్‌ హీరోలుగా నటించిన 'ఎఫ్2' సినిమా బ్లాక్ బస్టర్ హిట్టైయింది. పటాస్‌, సుప్రీమ్‌, రాజా ది గ్రేట్ వంటి సూపర్ హిట్ చిత్రాలు తెరకెక్కించిన అనీల్ రావిపూడి ఎఫ్ 2 చిత్రాన్ని కూడా మంచి వినోదం అందించే చిత్రంగా తెరకెక్కించి సక్సెస్ అయ్యాడు.


జనవరి 11న విడుదలైన ఈ చిత్రం ఇటీవలే 50 రోజులు పూర్తి చేసుకుంది. 106 సెంటర్స్‌లో ప్రస్తుతం ఎఫ్ 2 చిత్రం సక్సెస్ ఫుల్‌గా నడుస్తుండగా, కొన్ని చోట్ల ఇప్పటికి థియేటర్స్ హౌస్ ఫుల్ అవుతున్నాయట.
 
శ్రీ వెంకటేశ్వర సినీ క్రియేషన్స్‌లో దిల్ రాజు నిర్మించిన ఈ చిత్రంలో ప్రకాష్ రాజ్, రాజేంద్రప్రసాద్, అనసూయ, హరితేజ, సుబ్బరాజు, రఘబాబు, సత్యం రాజేష్, వెన్నెల కిషోర్, ప్రియదర్శి, బిగ్ బాస్ ఫేమ్ నూతన్ నాయుడు, థర్టీ ఇయర్స్ ఇండస్ట్రీ పృథ్వీ, అన్నపూర్ణ, హరితేజ తదితరులు కీలక పాత్ర పోషించిన ఈ సినిమాకు సీక్వెల్ రానుంది.
 
ఈ సినిమాకి పోటీగా విడుదలైన 'ఎన్టీఆర్ కథానాయకుడు', 'వినయ విధేయ రామ' 'పేట' సినిమాలు రేసులో లేకుండా పోయాయి. వెంకటేష్‌, వరుణ్ తేజ్, తమన్నా, మెహ్రీన్ ప్రధాన పాత్రలలో అనీల్ రావిపూడి తెరకెక్కించిన ఈ చిత్రం ఇప్పటికి బాక్సాఫీస్ వద్ద భారీ కలెక్షన్స్‌ని రాబడుతుంది.
 
తాజాగా ఈ సినిమా రూ.140 కోట్ల గ్రాస్‌ కలెక్షన్స్‌తో సౌత్ బాక్స్ ఆఫీస్ వద్ద రికార్డుల రారాజుగా నిలిచింది. సౌత్ ఇండియాలో 140 కోట్ల గ్రాస్ సాధించిన తొలి మల్టీ స్టారర్ మూవీగాను ఈ సినిమా నిలిచింది. దేవి శ్రీ ప్రసాద్ సంగీతం అందించారు.