తంగవేలుకు ప్రభాస్ గ్రీటింగ్స్.. నీ విజయం అందరికీ స్ఫూర్తిదాయకమంటూ ట్వీట్
రియో పారాలింపిక్స్‌లో భారత్‌కు స్వర్ణ పతకాన్ని అందించిన తమిళనాడు దివ్యాంగుడు మారియప్పన్ తంగవేలును టాలీవుడ్ టాప్ హీరో ప్రభాస్ అభినందించారు. తంగవేలు విజయం.. ప్రతి ఒక్కరికీ స్ఫూర్తిదాయకమని యంగ్ రెబల్ స్ట
రియో పారాలింపిక్స్‌లో భారత్‌కు స్వర్ణ పతకాన్ని అందించిన తమిళనాడు దివ్యాంగుడు మారియప్పన్ తంగవేలును టాలీవుడ్ టాప్ హీరో ప్రభాస్ అభినందించారు. తంగవేలు విజయం.. ప్రతి ఒక్కరికీ స్ఫూర్తిదాయకమని యంగ్ రెబల్ స్టార్ కొనియాడారు. 'ఐదేళ్ల వయసులో రోడ్డు ప్రమాదంలో కాలు చితికిపోయినా.. సాధించాలన్న తపన, గెలవాలన్న కసితో 21 ఏళ్ల వయసులో పారాలింపిక్స్‌లో గోల్డ్ మెడల్ సాధించిన తంగవేలుకు హాట్సాఫ్' అంటూ సోషల్‌మీడియాలో ప్రభాస్ పోస్ట్ చేశారు.
ప్రస్తుతం ఈ యువ హీరో 'బాహుబలి పార్ట్-2' షూటింగ్‌లో బిజీగా ఉన్న విషయం తెల్సిందే. అయినప్పటికీ.. దేశం కోసం పాటుపడేవారిని మెచ్చుకొంటూ ట్వీట్ చేయడం గమనార్హం. మొన్న సింధుని ప్రశంసించిన ప్రభాస్ నేడు తంగవేలును అభినందించారు. అలాగే తమిళ సూపర్‌స్టార్ రజినీకాంత్, పలువురు కోలీవుడ్ హీరోలు కూడా మారియప్పన్ తంగవేలును అభినందిస్తూ ట్వీట్ చేశారు.
