పెళ్లి చేసుకోవాలని ఒత్తిడి చేశాడు.. వద్దనేసరికి చంపేస్తానన్నాడు: అతిథి ఫిర్యాదు
మలయాళంలో ఇప్పటికే పలు టీవీ సీరియల్స్‌లో నటించిన సినీనటి అతిథి, తమిళంలో 'నెదునల్వాడై' చిత్రం ద్వారా హీరోయిన్‌గా పరిచయమవుతోంది. ఈ సినిమా మొదలైనప్పటి నుంచి ప్రేమిస్తున్నాననంటూ దర్శకుడు సెల్వకణ్ణన్ తన వెం
మలయాళంలో ఇప్పటికే పలు టీవీ సీరియల్స్‌లో నటించిన సినీనటి అతిథి అలియాస్ అథిరా సంతోష్
తమిళంలో 'నెదునల్వాడై' చిత్రం ద్వారా హీరోయిన్‌గా పరిచయమవుతోంది. ఈ సినిమా మొదలైనప్పటి నుంచి ప్రేమిస్తున్నాననంటూ దర్శకుడు సెల్వకణ్ణన్ తన వెంటపడి వేధించాడని ఆరోపించింది. అంతేగాకుండా సెప్టెంబర్ 28న విషం తాగి ఆత్మహత్యాయత్నానికి పాల్పడింది. వెంటనే ఆస్పత్రికి తరలించడంతో ఆమె కోలుకుంది.
ఈ నేపథ్యంలో సెల్వకణ్ణన్‌పై నడిగర్ సంఘానికి ఫిర్యాదు చేశానని మీడియాతో అతిథి చెప్పింది. నడిగర్ సంఘంలో సభ్యుడు కానందున అతడిపై చర్య తీసుకోలేమని అధ్యక్షుడు విశాల్ చెప్పారని తెలిపింది. దీంతో సెల్వకణ్ణన్‌పై పోలీసులకు ఫిర్యాదు చేసినట్టు తెలిపారు.
తనను చంపుతానని బెదిరించాడని వాపోయింది. పెళ్లి చేసుకోవాలని ఒత్తిడి చేశాడని, తాను అంగీకరించకపోవడంతో చంపేస్తానని బెదిరించినట్లు తెలిపింది. అతడి వేధింపులు తాళలేక ఆత్మహత్యకు యత్నించినట్లు మీడియాతో తెలిపింది.
