కేతికా శర్మ ల‌వ్ లీ గాళ్ - వైష్ణవ్ తేజ్- న‌న్ను ఆట‌ప‌ట్టించాడు- కేతిక శర్మ
Ketika Sharma, Vaishnav Tej
‘ఉప్పెన’ హీరో పంజా వైష్ణవ్ తేజ్ కథానాయకుడిగా శ్రీ వెంక‌టేశ్వ‌ర సినీ చిత్ర ఎల్ఎల్‌పి బ్యాన‌ర్‌పై బాపినీడు.బి స‌మ‌ర్ప‌ణ‌లో తమిళంలో అర్జున్ రెడ్డి చిత్రాన్ని తెరకెక్కించిన డైరెక్టర్ గిరీశాయ ద‌ర్శ‌కుడిగా ప్రముఖ సీనియర్ నిర్మాత బి.వి.ఎస్‌.ఎన్‌.ప్ర‌సాద్ నిర్మిస్తోన్న చిత్రం ‘రంగ రంగ వైభవంగా’. కేతికా శర్మ హీరోయిన్. ఈ సినిమాను సెప్టెంబ‌ర్ 2న గ్రాండ్‌గా విడుద‌ల చేస్తున్నారు.
నిర్మాత బి.వి.ఎస్‌.ఎన్‌.ప్ర‌సాద్ మాట్లాడుతూ ‘‘వైష్ణవ్ తేజ్, కేతికా శర్మ పెయిర్ చక్కగా ఉంది. వైష్ణవ్ తేజ్ సినిమాలో చాలా హ్యాండ్‌స‌మ్‌గా ఉన్నాడు. సినిమా చాలా పెద్ద హిట్ అవుతుంద‌ని భావిస్తున్నాను’’ అన్నారు.
వైష్ణవ్ తేజ్ మాట్లాడుతూ ‘‘ట్రైల‌ర్‌ను చూస్తున్న‌పుడు ఎంత ‘రంగ రంగ వైభవంగా’ ఉండిందో రేపు సెప్టెంబ‌ర్ 2న థియేట‌ర్స్‌లో చూస్తున్న‌ప్పుడు కూడా అంతే రంగ రంగ వైభవంగా ఉంటుంది. శ్యామ్ ద‌త్‌గారు సినిమాకు అద్భుత‌మైన విజువ‌ల్స్ ఇచ్చారు. బి.వి.ఎస్‌.ఎన్‌.ప్ర‌సాద్‌గారి వ‌ల్లే ఓ మంచి టీమ్ క‌లిసి మంచి సినిమాను మీ ముందుకు తీసుకొస్తున్నాం. కేతికా శర్మ మంచి కోస్టోర్. త‌న‌తో క‌లిసి ప‌ని చేయ‌టం ల‌వ్ లీ ఎక్స్‌పీరియెన్స్‌. సెప్టెంబ‌ర్ 2న థియేట‌ర్స్‌కు వ‌చ్చి మా ‘రంగ రంగ వైభవంగా’ సినిమాను ఎంజాయ్ చేసి స‌క్సెస్ చేయాలని కోరుకుంటున్నాను’’ అన్నారు.
చిత్ర ద‌ర్శ‌కుడు గిరీశాయ మాట్లాడుతూ ‘‘‘రంగ రంగ వైభవంగా’ ట్రైలర్ చూస్తున్న వారిలో ఓ ఎన‌ర్జీని నేను గ‌మ‌నించాను. రేపు సినిమా చూస్తున్న‌ప్పుడు కూడా అదే ఎన‌ర్జీ ఉంటుంది. చాలా మంది ‘రంగ రంగ వైభవంగా’ అనే టైటిల్‌ను ఎందుకు పెట్టార‌ని అడిగారు. ఇగోస్ లేని ఏ రిలేషన్షిప్ అయినా ‘రంగ రంగ వైభవంగా’గా ఉంటుంద‌నే చెప్ప‌ట‌మే మా సినిమా కాన్సెప్ట్‌. కాబ‌ట్టే ఆ టైటిల్‌ను పెట్టాం. అమ్మాయి- అబ్బాయి, ఇద్ద‌రు స్నేహితులు, రెండు కుటుంబాల మ‌ధ్యన ఆ రిలేషన్షిప్ ఉండొచ్చు. సెప్టెంబ‌ర్ 2న థియేట‌ర్స్‌లోకి వ‌స్తున్నాం. టైటిల్‌కు త‌గ్గ స‌క్సెస్‌ను ప్రేక్ష‌కులు అందిస్తార‌ని భావిస్తున్నాం’’ అన్నారు.
హీరోయిన్ కేతికా శర్మ మాట్లాడుతూ ‘‘‘రంగ రంగ వైభవంగా’ ట్రైలర్ అంద‌రికీ న‌చ్చే ఉంటుంది. ప‌వ‌ర్ ప్యాక్డ్ మూవీని చేశాం. ఈ సినిమాలో నాకు రాధ అనే పాత్ర‌ను ఇచ్చిన డైరెక్టర్ గిరీశాయ‌గారికి థాంక్స్‌. హీరో, హీరోయిన్ మ‌ధ్య కెమిస్ట్రీ బ్యూటీఫుల్‌గా కుదిరింది. వైష్ణవ్ తేజ్ డైన‌మిక్ హీరో. చాలా మంచి స్నేహితుడిలా సెట్స్‌లో ఉంటూ న‌న్ను ఆట‌ప‌ట్టించాడు..అలాగే స‌పోర్ట్ చేశాడు. సెప్టెంబ‌ర్ 2న ‘రంగ రంగ వైభవంగా’ రిలీజ్ అవుతుంది’’ అన్నారు.
