'ఆర్ఆర్ఆర్' చిత్రానికి కొత్త చిక్కులు - కోర్టులో పిటిషన్
దర్శకుడు రాజమౌళి, హీరోలు, ఎన్టీఆర్, రామ్ చరణ్ కాంబినేషన్‌లో తెరకెక్కిన "ఆర్ఆర్ఆర్" చిత్రానికి కొత్త చిక్కులు వచ్చిపడ్డాయి. ఈ చిత్ర కథలో స్వాతంత్ర్య పోరాట యోధుడు అల్లూరి సీతారామరాజు పాత్రను వక్రీకరించారంటూ పలువురు కోర్టును ఆశ్రయించారు. ఈ మేరకు అల్లూరి యుజవన సంఘం జాతీయ వ్యవస్థాపక అధ్యక్షుడు పడాల వీరభద్ర రావు హెచ్చరించారు. ఈ మేరకు ఆయన సోమవారం జిల్లా గొలుగొండ మండలి కృష్ణాదేవి పేటలో విలేకరులకు ఓ ప్రకటన విడుదల చేశారు. "ఆర్ఆర్ఆర్" సినిమాలో చరిత్ర వక్రీకరణ జరిగిందని ఆయన చెప్పారు.
బ్రిటీష్ వారికి వ్యతిరేకంగా పోరాడిన సీతారామరాజును బ్రిటీష్ పోలీస్‌గా చూపడం దారుణమన్నారు. ఈ విషయంపై మూవీ మేకర్స్‌పై హైకోర్టులో పిటిషన్ దాఖలు చేసినట్టు చెప్పారు. అల్లూరి, కొమరం భీమ్లు కలిసినట్టు చరిత్రలో ఎక్కడా లేదన్నారు. ఇప్పటికైనా చరిత్రను వక్రీకరిస్తూ తెరకెక్కించిన ఘట్టాలను తక్షణం తొలగించాలని లేనిపక్షంలో చిత్రం విడుదలను అడ్డుకుంటామని ఆయన హెచ్చరించారు.
