1. వార్తలు
  2. తెలుగు వార్తలు
  3. ట్రెండింగ్
  4. Meloni's most famous couple on Instagram comment to PM Modi at G7 goes viral

మెలోడీ మ్యాజిక్ మళ్లీ ట్రెండ్: జీ7 సదస్సులో మోదీ-మెలోనీ మీట్.. వీడియో వైరల్

Melody
Melody
సోషల్ మీడియాలో మెలోడీ మ్యాజిక్ ఇంకా కొనసాగుతూనే ఉంది. జీ7 సదస్సులో ప్రధాన మంత్రి నరేంద్ర మోదీ ఇటలీ ప్రధానిల మధ్య ఆసక్తికర సంఘటన చోటుచేసుకుంది. జీ7 సదస్సులో మోదీ, జార్జియా మెలోనీల మధ్య జరిగిన సరదా సంభాషణ సోషల్ మీడియాలో వైరల్‌గా మారింది. 
 
ఈ సందర్భంగా మోదీని కలిసిన మెలోనీ ఎంతో హర్షం వ్యక్తం చేశారు. మనమిద్దరం ప్రస్తుతం ఇంటర్నెట్‌లో బాగా ఫేమస్ అయ్యామని చెప్పారు. మిమ్మల్ని చూడటం ఎంతో సంతోషంగా వుంది.. అంటూ చిరునవ్వుతో మెలోనీ వ్యాఖ్యానించడం వేదికపై వున్న అందరికీ నవ్వు తెప్పించింది. 
 
వీరి సంభాషణ విని భారత విదేశాంగ మంత్రి జైశంకర్ నవ్వుతూ చూస్తుండిపోయారు. దీనికి సంబంధించిన వీడియో క్షణాల్లోనే వైరల్ అయి, మరోసారి మెలోడీ ట్రెండ్‌ను తెరపైకి తీసుకొచ్చింది. ప్రధాని మోదీ, జార్జియా మెలోని పేర్ల కలయికతో ఏర్పడిన మెలోడీ అనే పదం గత మూడు సంవత్సరాలుగా సోషల్ మీడియాలో వైరల్ అవుతోంది. 
 
ఈ ట్రెండ్ మొదటగా 2023లో దుబాయ్‌లో జరిగిన COP28 సదస్సు సందర్భంగా ప్రారంభమైంది. అప్పట్లో మెలోని, ప్రధాని మోదీతో కలిసి దిగిన సెల్ఫీని సోషల్ మీడియాలో పోస్ట్ చేస్తూ "Good Friends at COP28 #Melodi" అని రాశారు. ఆ హ్యాష్‌ట్యాగ్ వెంటనే వైరల్ కావడంతో ప్రపంచవ్యాప్తంగా నెటిజన్లు దానిని ట్రెండ్‌గా మార్చారు. మెలోడీ పేరుకు వచ్చిన ప్రజాదరణను దృష్టిలో పెట్టుకుని, రోమ్ పర్యటనలో ప్రధాని మోదీ జార్జియా మెలోనికి Melody టాఫీల ప్యాకెట్‌ను బహుమతిగా అందించారు. ఆ సందర్భంగా మెలోని ఇన్‌స్టాగ్రామ్‌లో షేర్ చేసిన వీడియో కూడా భారీ స్పందన తెచ్చి పెట్టింది.
About Writer
సెల్వి
Journalist since 2005. Former contributor at Eenadu & Andhra Jyothi Tamil Nadu Editions. Now in Sub Editor, Webdunia.... మరింత చదవండి
తర్వాతి కథనం
ప్రయాణికుడిని చెప్పుతో కొట్టిన రైల్వే ఉద్యోగిని.. వీడియో వైరల్ సస్పెండ్