ఆమ్లా రైస్ ఎలా చేయాలో తెలుసా?

కావలసిన పదార్ధాలు: బియ్యం - అరకప్పు ఉసిరికాయలు - 10 పసుపు - అర స్పూన్ ఇంగువ - చిటికెడు ఉప్పు - తగినంత నూనె - తగినంత నువ్వుల పొడి - 2 స్పూన్స్ జీడిపప్పు - 4 ఎండుమిర్చి - 4 పచ్చిమిర్చి - 4 కరివేప

Written By: Kowsalya

Updated: Sat, 22 Sep 2018 (15:31 IST)

కావలసిన పదార్ధాలు:

బియ్యం - అరకప్పు 

ఉసిరికాయలు - 10 

పసుపు - అర స్పూన్ 

ఇంగువ - చిటికెడు

ఉప్పు - తగినంత 

నూనె - తగినంత 

నువ్వుల పొడి - 2 స్పూన్స్

జీడిపప్పు - 4 

ఎండుమిర్చి - 4

పచ్చిమిర్చి - 4 

కరివేపాకు - 2 రెమ్మలు 

కొత్తిమీర కట్ట - 1 

శెనగపప్పు - 1 స్పూన్ 

మినప్పప్పు - 1 స్పూన్ 

ఆవాలు - 1 స్పూన్

తయారీ విధానం:

ముందుగా అన్నం వండుకుని బౌల్‌లో ఆరబెట్టాలి. ఇప్పుడు ఉసిరికాయలను చిన్న ముక్కలుగా కట్‌చేసుకుని అందులో ఉప్పు వేసి వాటిని కచ్చాపచ్చాగా దంచుకోవాలి. ఆ తరువాత బాణలిలో నూనె పోసి వేడయ్యాక ఎండుమిర్చి, శెనగపప్పు, మినప్పప్పు, ఆవాలు, పసుపు వేసి 2 నిమిషాలు వేయించుకోవాలి. తరువాత ఆ మిశ్రమంలో పచ్చిమిర్చి, నువ్వులపొడి, కరివేపాకు, జీడిపప్పు, దంచిన ఉసిరికాయ ముక్కలు, ఇంగువ వేసి దోరగా వేయించాలి. 3 నిమిషాల తరువాత దించుకుని అందులో అన్నం కలుపుకుంటే వేడివేడి ఆమ్లా రైస్ రెడీ.