తల్లిని హనీమూన్‌కు తీసుకెళ్లిన కుమార్తె.. అల్లుడుపై మోజుపడిన అత్త.. ఎక్కడ?
తల్లిదండ్రులు తమ కన్నబిడ్డను కంటికి రెప్పలా కాపాడుకుంటారు. వారి జీవితాలు బాగుండాలని తమ ఇష్టదైవాలను మొక్కుకుంటారు. ముఖ్యంగా, మెట్టినింటికి వెళ్లే తన కుమార్తె బాగుండాలని ప్రతి తల్లీ కోరుకుంటుంది. కానీ, ఆ తల్లి మాత్రం కన్నకుమార్తె జీవితాన్నే నాశనం చేసింది. అల్లుడుపై మోజుపడి అక్రమ సంబంధం పెట్టుకుంది. చివరకు గర్భందాల్చింది. ఈ ఘటన ఇంగ్లండ్‌లో వెలుగు చూసింది.
తాజాగా వెలుగులోకి వచ్చిన ఈ వివరాలను పరిశీలిస్తే, ఇంగ్లండ్‌కు చెందిన లౌరెన్ వాల్ అనే యువతికి 34 యేళ్లు. ఈమె పౌల్ అనే వ్యక్తిని ప్రేమించింది. పెళ్లికి ముందే తొందరపడటంతో ఓ బిడ్డకు కూడా తల్లి అయింది. ఆ తర్వాత జరిగిన విషయాన్ని తల్లి జూలీకి చెప్పింది. అప్పటికే ఓ బిడ్డకు తల్లి కావడంతో మరోమార్గం లేక లౌరెన్ - పౌల్ వివాహానికి సమ్మతించింది.
ఆ తర్వాత భార్యాభర్తలిద్దరూ హనీమూన్‌కు వెళ్లేందుకు ప్లాన్ చేశారు. అయితే, తమకు బిడ్డ కూడా ఉండటంతో అతన్ని కూడా తీసుకెళ్లాలని భావించారు. ఆ బిడ్డను తమ వెంట హనీమూన్‌కు తీసుకెళితే ఎంజాయ్ చేయలమని భావించిన లౌరెన్ వాల్ తమ వెంట తల్లి జూలీని కూడా తీసుకెళితే, బిడ్డ ఆలనా పాలనా చూసుకుంటుందని భావించారు. ఈ నిర్ణయమే ఆమె పచ్చని సంచారంలో చిచ్చుకు కారణం అవుతుందని ఊహించలేక పోయింది.
ఆ తర్వాత తమ ప్లాన్‌లో భాగంగా, భార్యాభర్తలు తమ బిడ్డ, అమ్మ జూలీతో కలిసి హనీమూన్‌కు వెళ్లి, ఓ హోటల్‌లో పక్కపక్కనే గదులను అద్దెకు తీసుకున్నారు. అక్కడ మూడు వారాల పాటు బిడ్డను తల్లి జూలీ వద్ద వదిలేసి లౌరెన్ - పౌల్‌లు హోటల్ గదిలో ఎంజాయ చేయసాగారు. దీన్ని తల్లి జూలీ జీర్ణించుకోలేక పోయింది. ఆమెలో కూడా కామ కోర్కెలు చిగురించాయి.
అంతే.. మెల్లగా అల్లుడుని బుట్టలో వేసుకుంది. కుమార్తె హోటల్ గది నుంచి బయటకు వెళ్లినపుడల్లా అల్లుడితో పడక సుఖం పంచుకోసాగింది. ఆ తర్వాత అక్కడ నుంచి ఇంటికి వచ్చిన తర్వాత కూడా అల్లుడు - అత్తల మధ్య రహస్య రంకుబాగోతం గుట్టుచప్పుడు కాకుండా కొనసాగుతూ వచ్చింది. అయితే, అత్త దగ్గర మంచి సుఖాన్ని పొందిన పౌల్.. భార్య పట్ల అలక్ష్యం చేయసాగాడు. ఆమెతో శారీరకసుఖం పంచుకోవడం మానేశాడు.
దీంతో అనుమానం వచ్చిన లౌరెన్... అమ్మపై ఓ కన్నేసి.. వారిద్దరి మధ్య ఉన్న అక్రమ సంబంధాన్ని కనిపెట్టింది. అయితే, కుమార్తెను తన మాయమాటలతో ఆ సమయానికి బురిడీ కొట్టించింది. ఇంతలో లౌరెన్ చెల్లి ఇంటికి వచ్చి, తల్లి మొబైల్‌ను చెక్ చేసింది. ఇందులో అల్లుడు - అత్త మధ్య శృంగార చాటింగ్ జరిగిన విషయాన్ని గుర్తించి అక్కకు చెప్పింది. అంతే.. ఈ విషయం తెలియగానే పౌల్ ఇల్లు వదిలి వెళ్లిపోయాడు. ఆ తర్వాత తల్లి కూడా ఇంటి నుంచి వెళ్లిపోయింది.
ఈ క్రమంలో ఓ రోజున తన భర్తతో తల్లి వీధుల్లో తిరగడం లౌరెన్ కంటపడింది. అపుడు తల్లిని నిశితంగా పరిశీలించగా ఆమె కడుపు ఎత్తుగా కనిపించింది. అంటే.. తన భర్త ద్వారా తల్లి గర్భందాల్చినట్టు తెలుసుకుంది. తన భర్తతో కలిసి పిల్లలు కనేందుకు కూడా ఆమె సిద్ధమైందని తెలిసి మరింత కుంగిపోయింది. ఆ ఇద్దరికి పెళ్లి కూడా జరిగిపోయిందని తెలిసి కన్నీరుమున్నీరైంది. కన్న తల్లే మోసం చేయడం తట్టుకోలేకపోయింది.
