బుధవారం, 28 ఫిబ్రవరి 2024
  1. వార్తలు
  2. తెలుగు వార్తలు
  3. జాతీయ వార్తలు
Written By సెల్వి
Last Updated : సోమవారం, 25 సెప్టెంబరు 2023 (21:15 IST)

గణేష్ చతుర్థి కార్యక్రమానికి వెళ్లి తిరిగి వస్తుండగా.. 15 ఏళ్ల బాలికపై..?

crime
యూపీ బరేలీలోని బహెడి ప్రాంతంలోని ఒక గ్రామంలో గణేష్ చతుర్థి కార్యక్రమానికి హాజరై ఇంటికి తిరిగి వస్తుండగా 15 ఏళ్ల బాలికపై ఐదుగురు వ్యక్తులు సామూహిక అత్యాచారానికి పాల్పడ్డారు. ఈ సంఘటన సెప్టెంబర్ 19న జరిగింది. అయితే శనివారం బాధితురాలి తల్లి బంధువుల ఇంటికి వెళ్లి తిరిగి రావడంతో విషయం వెలుగులోకి వచ్చింది.
 
ఈ ఘటనపై రాజా గుప్తా, శివం గుప్తా, అన్షుల్ గుప్తా, ఇద్దరు గుర్తుతెలియని వ్యక్తులపై భారతీయ శిక్షాస్మృతి - పోక్సో చట్టంలోని సంబంధిత సెక్షన్ల కింద బహెడి పోలీస్ స్టేషన్‌లో ఎఫ్‌ఐఆర్ నమోదు చేశారు. రాజా, శివమ్‌లను ఆదివారం అరెస్టు చేశారు. బాధితురాలి ప్రైవేట్ భాగాలపై పలు గాయాలు ఉండటంతో పోలీసులు జిల్లా ఆసుపత్రిలో చేర్పించారు.
 
ఈ ఘటనపై ఏఎస్పీ ముఖేష్ చంద్ర మిశ్రా మాట్లాడుతూ, "నిందితులపై ఐపీసీ సెక్షన్లు 376 డీ (గ్యాంగ్ రేప్), 506 (క్రిమినల్ బెదిరింపు)తో పాటు POCSO చట్టంలోని 3, 4 సెక్షన్ల కింద కేసు నమోదు చేయబడింది. ఇద్దరు నిందితులు కస్టడీలో ఉన్నారు." అంటూ తెలిపారు.