NVIDIAలో రూ.3 కోట్ల వార్షిక జీతం ప్యాకేజీతో జాబ్ కొట్టేసిన హైదరాబాద్ అబ్బాయి
హైదరాబాద్‌కు చెందిన గుడే సాయి దివేష్ చౌదరి, అమెరికాకు చెందిన ప్రఖ్యాత చిప్ తయారీ సంస్థ NVIDIAలో రూ.3 కోట్ల వార్షిక జీతం ప్యాకేజీతో ఉద్యోగం సంపాదించారు. సాయి దివేష్ తండ్రి కృష్ణ మోహన్ రియల్ ఎస్టేట్ వ్యాపారి, అతని తల్లి రమాదేవి పబ్లిక్ స్కూల్‌లో పదేళ్లపాటు టీచర్‌గా పనిచేశారు. అతను ఐదవ తరగతి నుండి పదో తరగతి వరకు అదే పాఠశాలలో విద్యను పూర్తి చేశాడు.
ఇంటర్మీడియట్ చదువులో రాణించిన సాయి దివేష్, ఎఐటీ కురుక్షేత్రలో కంప్యూటర్ సైన్స్ ఇంజనీరింగ్‌లో డిగ్రీని అభ్యసించాడు. అక్కడ పనిచేసిన కాలంలో, అతను న్యూటానిక్స్‌లో రూ.40 లక్షల వార్షిక జీతం ప్యాకేజీతో ఉద్యోగం సంపాదించాడు.
తరువాత, అతను లాస్ ఏంజిల్స్‌లోని సదరన్ కాలిఫోర్నియా విశ్వవిద్యాలయంలో క్లౌడ్, AI టెక్నాలజీలో మాస్టర్స్ డిగ్రీని పూర్తి చేశాడు. దీని తరువాత, అతను NVIDIAలో డెవలప్‌మెంట్ ఇంజనీర్‌గా ఎంపికయ్యాడు.
