జ్వరంగా ఉందని చెప్పినా శృంగారానికి భర్త ఒత్తిడి... జైల్లో పెట్టించిన భార్య
తనకు ఆరోగ్యం బాగోలేదనీ, జ్వరంగా ఉందని చెప్పినప్పటికీ కామాంధుడైన భర్త ఏమాత్రం పట్టించుకోకుండా శృంగారానికి ప్రయత్నించి భార్య ఫిర్యాదుతో కటకటాలపాలయ్యాడు. హైదరాబాద్ నగరంలో వెలుగులోకి వచ్చిన ఈ వివరాలను పరి
తనకు ఆరోగ్యం బాగోలేదనీ, జ్వరంగా ఉందని చెప్పినప్పటికీ కామాంధుడైన భర్త ఏమాత్రం పట్టించుకోకుండా శృంగారానికి ప్రయత్నించి భార్య ఫిర్యాదుతో కటకటాలపాలయ్యాడు. హైదరాబాద్ నగరంలో వెలుగులోకి వచ్చిన ఈ వివరాలను పరిశీలిస్తే...
హైదరాబాద్, ఘట్‌కేసర్ ప్రాంతానికి చెందిన రవికుమార్ (35) ప్రభుత్వ ఉద్యోగి. ఈయనకు భార్యకు ఏర్పడిన మనస్పర్థల కారణంగా గత మూడేళ్లుగా వేర్వేరుగా ఉంటున్నారు. అయితే, ఇటీవలే పెద్దల జోక్యంతో వారిద్దరు ఒక్కటయ్యారు. ఈ నేపథ్యంలో వీకెండ్ అయిన గత శనివారం రాత్రి భార్యతో శృంగారానికి భర్త ప్రయత్నించాడు.
అయితే, తనకు ఆరోగ్యం బాగాలేదని, జ్వరంగా ఉందని భార్య వారించింది. దీంతో ఆగ్రహోద్రుక్తుడైన రవికుమార్.. పరాయి వ్యక్తితో అక్రమ సంబంధం పెట్టుకుని, తనను నిరాకరిస్తున్నావంటూ ఆమెను తీవ్రంగా కొట్టాడు. ఆ మరుసటి రోజు ఆరోగ్యం ఏం బాగాలేదో పరీక్షలు చేయిస్తానంటూ మెడికల్ టెస్టులకు తీసుకెళ్లాడు. అక్కడ ఆమె అనారోగ్యంతో ఉందన్న రిపోర్టులు వచ్చాయి.
దీంతో ఆ రిపోర్టులు తీసుకున్న ఆమె, తన భర్త శారీరకంగా హింసిస్తున్నాడని పోలీసులను ఆశ్రయించింది. కేసు నమోదు చేసుకున్న పోలీసులు రవికుమార్‌ను అరెస్ట్ చేశారు. రవిపై ఐపీసీ సెక్షన్ 498 (ఏ)కింద కేసు నమోదు చేసి విచారిస్తున్నారు.
