ఠాణాలోనే రక్షణ లేదు : పడక సుఖం కోసం మహిళా కానిస్టేబుల్‌ను చేయిపట్టుకుని లాగిన ఖాకీ!
తిరుపతి అర్బన్ వైకుంఠపురం పోలీసు స్టేషన్‌లో మహిళా ఖాకీపై అత్యాచార యత్నం....
వారిద్దరూ ఒకే ఠాణాలో విధులు నిర్వహిస్తున్నారు. ఇద్దరూ కానిస్టేబుళ్లే. వీరిలో ఒకరు మహిళ కానిస్టేబుల్ కాగా, మరొకరు కానిస్టేబుల్ సి. రామన్. వీరిద్దరూ తిరుపతి అర్బన్ పరిధిలోని వైకుంఠపురం స్టేషన్‌లో విధులు నిర్వహిస్తున్నారు. అయితే, 27 యేళ్ల మహిళా కానిస్టేబుల్‌పై రామన్ అత్యాచారానికి తెగబడ్డాడు. ఈ ఘటన తాజాగా వెలుగులోకి వచ్చింది.
ఎంఆర్‌పల్లి సీఐ మధు కథనం మేరకు... వైకుంఠపురంలో ఉన్న అర్బన్ ఎక్సైజ్ పోలీసు స్టేషన్‌లో పనిచేస్తున్న మహిళా కానిస్టేబుల్ (27)కు శుక్రవారం రాత్రి సెంట్రీ డ్యూటీని కేటాయించారు. ఈ క్రమంలో కానిస్టేబుల్ సి.రామన్ ఆమెపై అత్యాచారానికి యత్నించాడు. ఆమె కేకలు వేయడంతో స్థానికులు అక్కడికి చేరుకున్నారు.
ఈ విషయాన్ని ఎవరికైనా చెబితే చంపేస్తానని సి.రామన్ బెదిరించడంతో ఆమె మిన్నకుండిపోయింది. తర్వాత కుటుంబ సభ్యులకు తెలపడంతో వారు సోమవారం ఎంఆర్‌పల్లి పోలీసులను ఆశ్రయించారు. సి.రామన్‌పై కేసు నమోదు చేసి, పై అధికారుల ఆదేశాల మేరకు రామన్‌ను సస్పెండ్ చేశారు.
