సంబంధిత వార్తలు
ఏపీలో ఎన్నికలు.. గోడ మీద పిల్లిలా నేతలు.. జగన్ ముందడుగు..
ఏపీలో ఎన్నికల నగారా ఇంకా మోగలేదు. కానీ రాష్ట్రంలో ఎన్నికల సంఘం పర్యటిస్తూ పరిస్థితిని అంచనా వేసి ఎన్నికలకు సిద్ధమైంది. అలాగే రాజకీయ పార్టీలు సన్నద్ధమవుతున్నాయి. రాజకీయ నేతలు గోడమీద పిల్లిలా అటు ఇటు దూకేందుకు సిద్ధంగా వున్నారు. కొందరైతే ఇప్పుడే పార్టీలు మారేశారు.
ఎన్నికల సన్నద్ధత విషయంలో సీఎం జగన్ ఓ అడుగు ముందున్నారు. పార్టీ ఇంచార్జ్లు, సంభావ్య అభ్యర్థుల విషయంలో జగన్ ఇప్పటికే చెప్పుకోదగ్గ మార్పులు చేశారు. ఆయన ఎమ్మెల్యేలు, ఎంపీలతో సమావేశమై కీలక మార్పులు, వచ్చే ఎన్నికల కోసం వారిని సిద్ధం చేయడంలో బిజీగా ఉన్నారు. ఇప్పుడు జగన్ ఎన్నికల వేడిని మరింత పెంచబోతున్నారని తాజాగా వినిపిస్తోంది. క్యాడర్తో సమావేశాలు నిర్వహించేందుకు సిద్ధమయ్యారు.
రాష్ట్రవ్యాప్తంగా జరిగే భారీ బహిరంగ సభల్లో ఆయన ప్రసంగించనున్నారు. ఉత్తరాంధ్రలో తొలి బహిరంగ సభ జరగనుంది. తనపై ఏకంగా పోరాడుతున్న టీడీపీ, జనసేనపై జగన్ పోరుకు సిద్ధం అుతున్నారు. సంక్షేమ పథకాలు పెద్దఎత్తున ప్రభావం చూపుతాయని, అందుకు అనుగుణంగా అభ్యర్థులపై కసరత్తు చేస్తారని ఆయన విశ్వాసం వ్యక్తం చేస్తున్నారు. మొత్తమ్మీద, ఏపీలో ఎన్నికల పోరు ఆసక్తికరంగా మారింది. ఓటర్లను ఆకట్టుకోవడానికి రాజకీయ పార్టీలు విశ్వ ప్రయత్నాలు చేస్తున్నాయి.
