పుట్టింటికెళ్లిన భార్య... నాలుగేళ్ల కుమార్తెపై టీచర్ తండ్రి లైంగిక దాడి...
భార్య పుట్టింటికెళ్లిపోవడంతో నాలుగేళ్ళ కుమార్తెపై కామాంధుడైన ఓ ఉపాధ్యాయుడు లైంగికదాడికి పాల్పడ్డాడు. మచిలీపట్లం అవనిగడ్డ మండలం మోదుమూడిలో వెలుగులోకి వచ్చిన ఈ వివరాలను పరిశీలిస్తే...
కైకలూరు మండలం వింజరంలో ఓ వ్యక్తి ప్రభుత్వ టీచర్‌గా పని చేస్తున్నాడు. ఈయనకు భార్య, ఓ కుమార్తె ఉంది. అయితే, భర్తతో మనస్పర్థలు రావడంతో భార్య రెండేళ్ళ క్రితం పుట్టింటికి వెళ్లిపోయింది. శనివారం మోదుమూడి వచ్చిన అతను అంగన్‌వాడీకి వెళ్తున్న కూతురికి చాక్లెట్లు, బిస్కెట్లు ఇస్తానని చెప్పి సమీపంలోకి తీసుకెళ్లి వికృత చేష్టలకు పాల్పడ్డాడు.
కడుపు నొప్పిగా ఉందని ఏడుస్తున్న చిన్నారిని ఆస్పత్రికి తీసుకెళ్లగా అసలు విషయం తెలిసి తల్లి పోలీసులకు ఫిర్యాదు చేసింది. మహిళా కమిషన్‌ ఛైర్‌పర్సన్‌ నన్నపనేని రాజకుమారి బుధవారం ఆస్పత్రికి వచ్చి చిన్నారి ఆరోగ్య పరిస్థితిపై ఆరా తీశారు. పరారీలో ఉన్న కీచక ఉపాధ్యాయుడి కోసం పోలీసులు గాలిస్తున్నారు.
