హైదరాబాదులో 31న మందు కొట్టి డ్రైవ్ చేస్తే అంతే.. తస్మాత్ జాగ్రత్త..
డిసెంబర్ 31. సంవత్సరం పూర్తయ్యే రోజు. అర్థరాత్రి పూట మందుకొట్టి డ్రైవ్ చేస్తారు. బీచ్‌ల వద్ద పండగ చేసుకుంటారు. స్నేహితులతో కలసి కొత్త సంవత్సరానికి ఆహ్వానం పలుకుతారు. కొత్త సంవత్సర వేడుకల్లో భారీ స్థాయ
డిసెంబర్ 31. సంవత్సరం పూర్తయ్యే రోజు. అర్థరాత్రి పూట మందుకొట్టి డ్రైవ్ చేస్తారు. బీచ్‌ల వద్ద పండగ చేసుకుంటారు. స్నేహితులతో కలసి కొత్త సంవత్సరానికి ఆహ్వానం పలుకుతారు. కొత్త సంవత్సర వేడుకల్లో భారీ స్థాయిలో పాల్గొనే వారి సంఖ్య మనదేశంలోనూ చాలా ఎక్కువే. అయితే ఇందుకు తెలంగాణ సర్కారు గండి కొట్టింది. ఇయర్ ఎండింగ్ కదాని మందుకొట్టి డ్రైవ్ చేశారో అంతే సంగతులు.
ఫ్రెండ్స్‌తో మందుపార్టీల్లో గడిపి అర్థరాత్రో అపరాత్రో ఇంటికి బయలుదేరితే డ్రంక్ అండ్ డ్రైవ్ ఏముంటుందిలే అనుకోవద్దని పోలీసులు హెచ్చరిస్తున్నారు. రాజధాని హైదరాబాద్‌లో డిసెంబర్ 31న రాత్రి 10 గంటల నుంచి జనవరి 1న ఉదయం ఐదు గంటల వరకు పోలీసులు డ్రంక్ అండ్ డ్రైవ్ నిర్వహించబోతున్నారు. ఇందుకోసం వందకు మించిన పోలీస బృందాలు పహారాకాయబోతున్నాయి.
మద్యం తాగి నడిపితే వాహనాన్ని సీజ్‌ చేస్తామని హైదరాబాద్‌ ట్రాఫిక్‌ డీసీపీ రంగనాథ్ హెచ్చరించారు. అతివేగంతో పాటు మందు తాగి బండి నడపడం ద్వారా రోడ్డు ప్రమాదాలు జరుగుతున్నాయని, వాటిని నిరోధించేందుకు పోలీసు శాఖ ఈ నిర్ణయం తీసుకున్నట్లు రంగనాథ్ తెలిపారు.
