ఫిబ్రవరి 2న జనంలోకి జనసేన.. ఢిల్లీ అసెంబ్లీ ఎన్నికల్లో పవన్ కల్యాణ్ ప్రచారం
చిత్తూరు జిల్లా పుంగనూరు నియోజకవర్గంలో ఫిబ్రవరి 2న "జనంలోకి జనసేన" పేరుతో భారీ బహిరంగ సభ జరగనుంది. జనసేన పార్టీ ప్రధాన కార్యదర్శి నాగబాబు ముఖ్య అతిథిగా హాజరవుతారు. ఈ కార్యక్రమం నియోజకవర్గంలోని సోమల మండలంలోని జిల్లా పరిషత్ ఉన్నత పాఠశాల మైదానంలో జరుగుతుంది.
తిరుపతి జనసేన ఎమ్మెల్యే అరణి శ్రీనివాసులు, ఏపీ టిడ్కో చైర్మన్ వేములపాటి అజయ్ కుమార్, చిత్తూరు జిల్లా జనసేన అధ్యక్షుడు డాక్టర్ సహా పార్టీకి చెందిన పలువురు కీలక నాయకులు ఈ కార్యక్రమంలో పాల్గొన్నారు. పసుపులేటి హరిప్రసాద్, ఇతర ప్రముఖ జిల్లా నాయకులు కూడా ఈ సభలో పాల్గొంటారు.
ఇకపోతే.. ఢిల్లీ అసెంబ్లీ ఎన్నికల్లో జనసేన అధినేత, డిప్యూటీ సీఎం పవన్ కల్యాణ్ చరిష్మాను వాడుకునేందుకు ఆ పార్టీ సిద్ధమైంది. ఢిల్లీ అసెంబ్లీలోని పలు నియోజకవర్గాల్లో తెలుగు రాష్ట్రాలతో పాటు తమిళనాడుకు చెందిన ఓట్లు భారీ సంఖ్యలో నివసిస్తున్నారు.
దీంతో వారి ఓట్లను రాబట్టుకునేందుకు పవన్‌ను ఎన్నికల ప్రచారంలోకి దించేందుకు బీజేపీ సిద్ధం అయ్యింది. ఇందులో భాగంగానే ఇప్పటికే పవన్ కల్యాణ్ ప్రచారం చేయాల్సిన నియోజక వర్గాలకు సంబంధించి రోడ్ మ్యాప్‌ను సైతం బీజేపీ సిద్ధం చేసింది.
