హైదరాబాద్‌ను చూసేందుకు వచ్చింది.. నృత్య దర్శకుడి చేతిలో బలైపోయింది...
భాగ్యనగరంలో విద్యార్థిని సామూహిక అత్యాచారానికి గురైంది. హైదరాబాద్ నగరాన్ని చూసేందుకు వచ్చిన ఆ విద్యార్థిని ఓ నృత్యదర్శకుడు, అతని అనుచరుల చేతిలో రేప్‌కు గురైంది. తాజాగా వెలుగులోకి వచ్చిన ఈ వివరాలను పరి
భాగ్యనగరంలో విద్యార్థిని సామూహిక అత్యాచారానికి గురైంది. హైదరాబాద్ నగరాన్ని చూసేందుకు వచ్చిన ఆ విద్యార్థిని ఓ నృత్యదర్శకుడు, అతని అనుచరుల చేతిలో రేప్‌కు గురైంది. తాజాగా వెలుగులోకి వచ్చిన ఈ వివరాలను పరిశీలిస్తే...
వెస్ట్ బెంగాల్ రాష్ట్రానికి చెందిన ఓ విద్యార్థిని హైదరాబాద్ నగర అందాలను తిలకించేందుకు విమానంలో ఎయిర్ పోర్టుకు వచ్చింది. అక్కడ పింకీ అనే యువతి పరిచయమైంది. తాను కూడా పర్యాటకురాలినేనని నమ్మించింది. తనతో వస్తే హైదరాబాద్ మొత్తం తిప్పి చూపిస్తానని చెప్పింది. ఆపై వెస్ట్ మారేడ్‌పల్లిలోని తన అపార్ట్‌మెంటుకు తీసుకెళ్లింది.
ఈ గదిలో పింకీ స్నేహితుడు, నృత్య దర్శకుడిగా పనిచేస్తున్న ప్రీత్ సెర్గిల్, మరో నలుగురితో కలసి ఆమెపై లైంగిక దాడులకు దిగాడు. పైగా గదిలో బంధించారు. మూడు రోజుల అనంతరం, తనకు దొరికిన టిష్యూ పేపర్ జరుగుతున్న విషయాన్ని రాసి, కిటికీ నుంచి బయటకు విసిరేసింది.
దీన్ని చూసిన ఇరుగు, పొరుగు వారు పోలీసులకు సమాచారం ఇవ్వగా, వారు రంగ ప్రవేశం చేసి.. ఆమెను రక్షించారు. బాధితురాలి ఫిర్యాదు మేరకు కేసు నమోదు చేసుకున్న శంషాబాద్ పోలీసులు, కొరియోగ్రాఫర్ ప్రీత్ సెర్గిల్‌‌ను అరెస్ట్ చేశారు. పింకీ సహా మిగతావారు పారిపోయారని, వారికోసం గాలిస్తున్నామని తెలిపారు.
