తల్లి కోర్కె తీర్చలేదని యేడాది పాపపై కామాంధుడి రేప్... సొంత కుమార్తెపై కూడా...
తల్లి కోర్కె తీర్చలేదని ఓ యేడాది పాపపై కామాంధుడు ఒకడు అత్యాచారానికి పాల్పడ్డాడు. ఆ తర్వాత ఇంటికి వెళ్లి తన నాలుగేళ్ళ కుమార్తెపై కూడా లైంగికదాడికి పాల్పడ్డాడు. ఈ దారుణం మధ్యప్రదేశ్ రాష్ట్రంలోని ఇండోర్
తల్లి కోర్కె తీర్చలేదని ఓ యేడాది పాపపై కామాంధుడు ఒకడు అత్యాచారానికి పాల్పడ్డాడు. ఆ తర్వాత ఇంటికి వెళ్లి తన నాలుగేళ్ళ కుమార్తెపై కూడా లైంగికదాడికి పాల్పడ్డాడు. ఈ దారుణం మధ్యప్రదేశ్ రాష్ట్రంలోని ఇండోర్‌లో వెలుగుచూసింది.
ఈ వివరాలను పరిశీలిస్తే, ఇండోర్ నగరానికి చెందిన ఓ మహిళ తన కుమార్తె కలిసి నివశిస్తోంది. ఆమెపై సమీప బంధువు కన్నేశాడు. కోర్కె తీర్చాలంటూ వేధించసాగాడు. ఈ క్రమంలో పీకలవరకు మద్యం సేవించిన ఆ కామాంధుడు... సోమవారం ఆమె ఇంటికి వెళ్లాడు. అయితే ఆ సమయంలో ఆ మహిళ ఇంట్లో లేదు. దీంతో ఏడాది వయసున్న ఆమె పసికందుపై అత్యాచారానికి పాల్పడ్డాడు. ఆ తర్వాత అదే రోజు రాత్రి తన ఇంటికి వెళ్లి పెద్ద కుమార్తె(4)పై అత్యాచారానికి యత్నించాడు.
ఈ విషయాన్ని పసిగట్టిన ఆ కామాంధుడి భార్య పోలీసులకు ఫిర్యాదు చేసింది. దీంతో అతనిపై పోక్సో చట్టం కింద కేసు నమోదు చేశారు. కాగా, మధ్యప్రదేశ్ రాష్ట్రంలోని రెహ్లీలో ఈ యేడాది మేలో ఓ బాలిక(9)పై అత్యాచారం చేసిన వ్యక్తికి ఓ కోర్టు కేవలం 46 రోజుల్లో మరణశిక్ష విధించిన సంగతి తెల్సిందే.
